O Burela FS Pescados Rubén visitará a pista do Jáen Paraíso Interior FS no duodécimo compromiso de Primeira, este sábado ás 18.00 horas. Esta será a primeira das catro finais que quedan por diante na última recta para conseguir o soño da Copa de España.
A escuadra laranxa, que xa adestrou na mañá deste venres en terras xienenses, saltará á pista “con moitas ganas” despois do agridoce empate na casa con Gran Canaria (2-2). Verase as caras cun equipo dirixido polo ex-burelista Dani Rodríguez, que defende a undécima praza, con 8 puntos, 7 por baixo da sétima posición dos galegos; ata o momento repártese os puntos entre a casa e a domicilio con dúas vitorias (3-4 Gran Canaria e 6-3 Marfil Santa Coloma) e dous empates (4-4 Zaragoza e 2-2 Montesinos). “É un rival que deu un serio aviso da súa fortaleza como local no seu último partido en La Salobreja, vencendo con solvencia ao Marfil (6-3)”.
Os da Mariña mediranse a un rival “que tende a presionar en cancha contraria e cunha defensa en zona que crea moitas dificultades” segundo analiza o técnico burelista. “Sabemos que gañar supón un grande esforzo en calquera partido pero confiamos en reaccionar ben. Xa nos enfrontamos a sistemas de xogo similares, con Umacón Zaragoza e Ríos Renovales, e con resultados diferentes; perdemos en Zaragoza (3-1) e gañamos en Tudela (2-6). Desas dúas experiencias extraemos conclusións para saber como medirnos a Jaén”.
O adestrador dos laranxas tamén reflexionou sobre a transcendencia dos tres puntos en La Salobreja: “Se non sumamos complícasenos o obxectivo, aínda que seguiremos con opcións. En cambio, se gañamos, estaremos a un paso e con tres oportunidades máis de chegar á nosa meta ao peche da primeira volta”, concluía Juanlu.
A única ausencia nas filas mariñás será a de Christian, que poderá incorporarse con normalidade aos adestramentos a partir da próxima semana logo dunha lesión de isquiotibiais.
Día do club
A próxima semana o Burela FS Pescados Rubén celebrará o terceiro e último partido da tempada como Día do Club, coa visita a Vista Alegre do líder, Inter Movistar; o encontro do sábado 30 de novembro comezará ás 16.30 horas, con emisión en directo de TVG2. A venda anticipada de entradas estará dispoñible desde o luns 25 pola tarde na sede do club laranxa.
PREZOS PARA SOCIOS
Abono Individual: 5 euros
Abono Familiar: 5 euros/entrada
Abono Estudante: 5 euros
Abono Xuvenil: 5 euros
Abono Xubilado: 5 euros
Abono Infantil: 1 euro
PREZOS PARA NON SOCIOS
Maiores de 14 anos: 20 euros
De 0 a 13 anos: 3 euros
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
