O sábado 30 de novembro celebrouse en Piedras Blancas-Avilés a disputa da VI edicción da “Copa Cantábrica” de billarda-liriu (o equivalente a billarda en Asturias é o liriu).
Trátase dun torneo intercomunitario que se ven celebrando ininterrumpidamente dende o ano 2008, e no que Galicia foi quen de alzarse co triunfo en cinco ocasións.
Na derradeira edición a Copa quedou en mans asturianas que meritoriamente se alzaron co triunfo, pero desta volta as tornas cambiaron e o trofeo cruzou de novo a Ponte dos Santos para permanecer exposto na sede central da LNB do NorLeste: a Taberna de Lola en Remourelle.
Os palanadores/as que acudiron a chamada do seleccionador Manolo Flores, foron os seguintes: Dos Carabullo, Andrea, Sofía e Isma; de Ekipa Bítere, Flores, Xerman e Xosiño de Tropa Lixeira, Hervi, Xosé e Richar; dos Remourelle Bulls , Lucia e Suso; dos Billardeiros Musicais, Geni, Daniel e Suso Coedo. Tamén foi Muriego dos Bulls, que cambiou o palán pola machorra e xogou no bando contrario convertíndose nun gran reforzo para a selección de Asturias, aínda que a súa meritoria participación non foi dabondo para superar os galegos.
O encontro disputouse por parellas a 60 carreiras, acadando un punto por cada victoria, a perda ou o empate non contabilizaba.
Deste xeito a selección Asturiana que formaba con Lili, Pepa, Hevia, Juan Carlos, Serxio, Xosin, e o citado Muriego, comenzou forte, dominaba carreira tras carreira e aumentaba a diferencia. Eran os amos e donos do encontro, tal é así que a falta de once puntos por disputar, os asturianos gañaban de cinco. Nese intre, quizás pensando que xa tiñan o trofeo no peto, relaxáronse un pouco e víronse sorprendidos polo empuxe e bravura dos palanadores galegos que se crecían en cada lance e jaleados constantemente polos seus, foron quen de consolidar unha espectacular remontada que os levou en volandas cara ao triunfo final con tres puntos de vantaxe.
O encontro foi seguido constantemente por un equipo da RTPA para o programa regional “La bolera” e será emitido en breve.
Logo da tradicional fabada para o xantar, xogouse un novo aberto, desta volta ca disputa dun lacón. Tamén este cruzou a Ponte pois foi Xermán quen se fixo ca pata do porco ao gañar na final por diante de Serxio, Hervi, Coedo e Daniel.
Ca interpretación dos himnos correspondentes polos gaiteiros de ambas comunidades (Xosín e Daniel) deuse por finalizada a xornada quedando emprazados para una nova edicción: a “VIII Copa Cantábrica”.
A concelleira de Cultura, Ana Cartelle, destacou que “es un privilegio para Ortigueira contar con una formación de la talla de Qvinta Essençia”, e subliñou que o concerto ofrece “una oportunidad única para disfrutar de una música que en su día fue la vanguardia de las cortes europeas”. O recital propón unha viaxe pola lírica e a música do Renacemento, con obras de Guerrero, Morales ou Vázquez e textos de Garcilaso, Boscán ou Lope de Vega.
Actuarán Carlos Ares, Celia Becks, Futuro Alcalde e Alcalá Norte, e o sábado será a quenda de La M.O.D.A., Ángel Stanich, Puño Dragón e Repion. López destacou o impacto económico do festival, cun retorno estimado dun millón de euros, mentres que Rouco subliñou a súa importancia turística e a achega municipal de 120.000 €.
O evento celebrarase este sábado 25, de abril, na capital lucense. Durante a xornada matinal, o alumnado asistirá a clases impartidas por profesionais de distintas disciplinas, tanto do ámbito da danza clásica como da moderna. Pola tarde, ás 19:30 horas, o grupo da EMMeD subirá ao escenario do Auditorio Gustavo Freire xunto aos demais centros convidados, nunha actuación que servirá como peche desta xornada de convivencia e intercambio artístico.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
