Este sábado 7 de decembro, ás 20:30 horas, o grupo “Ollomao” representa a obra da autoría de Castelao, “Os vellos non deben de namorarse”, no Teatro Pastor Diaz de Viveiro. A obra está dirixida por Comba Campoy e Ramón Casas e conta coa música en directo do grupo “Tumba e Dalle”. Con esta representación o colectivo organizador PENSAMENTO E SEMENTEIRA pecha as actividades da súa programación de outono que ofreceu cinco proxeccións de cine euroárabe, catro sesións no Conservatorio de Música, os “Xoves Musicais”, un acto informativo sobre a importancia da pesca na economía galega, a cargo da investigadora Mª do Carme García Negro e unha exposición de pintura, “Represaliados” de Celso Dourado que estará aberta até o día 15 de decembro.
ÚLTIMA HORA
- Presentación en Vilalba de “Comida para gatos e outras delicatessen indixestas”, de Luz Darriba
- O Foro Social da Mariña organiza o mércores en Foz a conferencia–coloquio: “ Ucrânia, militarismo, imperios“ a cargo de Carlos Taibo Arias
- O BNG pide solucións reais para a piscina de Viveiro
- A Consellería de Sanidade asinará un protocolo para a ampliación do centro de saúde de Foz a instancias do Concello
- Presentación en Vilalba de "Comida para gatos e outras delicatessen indixestas", de Luz Darriba
O Instituto de Estudos Chairegos, coa colaboración do Concello de Vilalba, dentro dos actos programados para este mes de maio, co gallo das Letras Galegas, organiza o venres 30 de maio de 2025, na Casa da Cultura, ás 20:00 horas, a presentación do libro “Comida para gatos e outras delicatessen indixestas”, do que é autora Luz Darriba, artista plástica e escritora. Presentará o acto Marisa Barreiro, presidenta do Iescha. - Concerto inaugural do novo alumeado da Catedral de Mondoñedo
Será o sábado, 31 de maio ás 20 h. Participarán a Escola de Música O Pallarego de Mondoñedo e a Orquestra Clasica de Xove interpretando obras de Vivaldi. - Xa está aberto o prazo para formalizar a matrícula na Escola Infantil Municipal de Viveiro para o curso 2025/2026
Este trámite vai dirixido ás familias que presentaron a solicitude de praza durante o período de preinscrición, e deberá completarse de forma presencial nas instalacións da escola municipal. O prazo estará aberto ata o luns 2 de xuño. Lémbrase que a formalización da matrícula é imprescindible para confirmar a admisión do neno ou nena. Ademais, as familias que non solicitaran praza no seu momento poden achegarse ao Departamento de Servizos Sociais do Concello, onde poderán recoller o impreso correspondente. - 30 Aniversario da Peña Madridista Vallibria de Mondoñedo
O acto celebrarase o 30 de maio ás 21,30 horas na Leira San Antonio de Mondoñedo co seguinte programa: A Directiva da Peña recibirá ao Representante do Real Madrid, Tomás Roncero (redactor xefe no Diario AS), socios e seguidores cantarán o himno do club. A cea será ás 22 horas. A animación musical será a cargo do Dúo Zafiro”. Neste acto poden participar os soci@s da Peña e seareirxs brancxs e terán que ingresar 35€ en ABANCA de Mondoñedo ata o 26 de maio. - A FCAM participou no obradoiro sobre innovación en comercio e turismo celebrado este xoves en Viveiro na Sala Multiusos do Concello
A iniciativa, enmarcada no programa Conecta Lugo, foi organizada pola CEL e financiada polo IGAPE, e ten como obxectivo o apoio con financiamento ao emprendemento e innovación na provincia de Lugo. Por parte da FCAM interviñeron Isabel Méndez, secretaria da federación mariñá e xerente da asociación CCH de Viveiro; e Beatriz Irigoyen, asesora de A Mariña Federación. - A guía Cristina Díaz Leguina acompaña desde Mondoñedo a un grupo de oito peregrinas provintes de Estados Unidos e Canadá.
Catro delas coñecéronse hai dous anos no Camiño Portugués e decidiron volver contactar con ela para organizar esta nova experiencia, buscando algo diferente e menos concorrido que o popular Camiño Francés, neste caso no Camiño Norte. - O delegado territorial da Xunta en Lugo, Javier Arias, participou na inauguración da XV edición do Encontro de Palilleiras de Burela que se celebrou o pasado sábado, 17 de maio
Estivo organizado pola Asociación Cultural e Artesanal de Mulleres Palilleiras "As Encaixeiras" e contou co apoio do Goberno galego. O porto de Burela foi o escenario no que as palilleiras convocadas amosaron o seu traballo ás persoas que se achegaron. O programa incluiu tamén degustación de empanada de pescada e visitas ao Monte Castelo e á igrexa da Vila do Medio, así como actividades infantís de pintacaras e globoflexia, entre outras.
2021 Crónica 3 A Mariña - Implementado por GaliciaDigital