Ilmaquinario Teatro presenta ‘O home almofada’ o sábado 14 de decembro ás 20.30 horas no Teatro Pastor Díaz de Viveiro. Esta peza para adultos de Martin McDonagh foi adaptada por Tito Asorey para ser representada por Melania Cruz, Fernando González, Fran Lareu e Laura Míguez. Durante os 90 minutos de función, os asistentes poderán desfrutar da historia de Katurian, unha escritora de macabros contos infantís, que nun país totalitario sen nome está sendo interrogada por unha parella de policías a causa da aparición na cidade dunha serie de cadáveres de nenos. O modus operandi do suxeito que leva a cabo estes crimes é sospeitosamente similar ao que ela describe nalgúns dos seus relatos. Con todo, ela loita por defender a súa
inocencia. Todo cambia cando descubre que na cela contigua está presa a súa irmá, que padece un forte trastorno psicolóxico a causa dos malos tratos que sufriu sendo nena, e que vai ser tamén interrogada. Katurian intentará por todos os medios entrar en contacto con ela. O resultado do encontro entre as
dúas irmás disipará as dúbidas sobre os asasinatos, pero abrirá outras incógnitas, aínda máis intensas e preocupantes…
‘O home almofada’, no Pastor Díaz
Relacionado
-
O Concello de Ortigueira programa para o 1 de maio ás 20:30 h o espectáculo El sentir de mi sentido no Teatro da Beneficencia, a cargo do grupo vocal Qvinta Essençia, referente na interpretación da polifonía renacentista
-
A Presidenta da Deputación, Carmela López, e a Alcaldesa de Vilalba, Marta Rouco, revisaron o dispositivo do FIV, que arranca este venres cun apoio provincial de 50.000 €
-
O grupo de danza da Escola Municipal de Música e Danza de Ribadeo participará no Encontro de Centros de Danza, tras ser convidado polo Conservatorio Profesional de Danza de Lugo
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
