A petición da Deputación de Lugo, este xoves celebrouse a reunión extraordinaria do Padroado de Sargadelos, composto por Xunta de Galicia, organismo provincial, Concello de Cervo e Seminario de Sargadelos, logo de que a Vicepresidenta Segunda, Lara Méndez, solicitase ata en dúas ocasións, a primeira o 28 de novembro e logo o 9 de decembro, a convocatoria urxente este encontro á Consellería de Cultura. Ademais de Lara Méndez, participaron na reunión o Secretario Xeral de Cultura, Anxo Manuel Lorenzo; o Xefe Territorial de Cultura, José Jesús Ramos Ledo; a Xefa de Coordinación de Cultura, Yolanda Gómez González; e o Alcalde de Cervo, Alfonso Villares Bermúdez. Non acudiu ningún representante do Seminario de Sargadelos, que xustificou a súa ausencia.
A reunión comezou pedindo á Vicepresidenta Segunda unha exposición de motivos que aclarase o porqué da súa petición. Lara Méndez destacou que “os traballadores da fábrica de Sargadelos en Cervo levan catros anos facendo sacrificios para manter a actividade da cerámica. Nembargantes, a factoría atópase nunha difícil situación, que pon en perigo os empregos de 41 persoas, ademais da riqueza patrimonial e cultural que supón para Lugo e en xeral para Galicia Sargadelos, símbolo da nosa identidade galega. Ante esta situación, é preciso a implicación de tódalas administracións, máis aló de que sexa a Xunta a que ten as competencias na materia, para buscar solucións conxuntas e de futuro que garantan a actividade e os postos de traballo da cerámica”.
A Deputada mariñana propuxo que a Xunta amplíe a declaración de Ben de Interese Cultural á cadea de produción e á galería de Sargadelos en Cervo. Ó igual que aconteceu no Pleno Provincial onde todos os Deputados do Partido Popular rexeitaron a proposta de Méndez, os restantes membros do Padroado que participaron na xuntanza negáronse.
A reunión rematou coa aprobación por unanimidade dunha declaración de intencións, que apunta textualmente: O Real Padroado de Sargadelos insta á Xunta de Galicia, á Deputación de Lugo -no que atinxe ó seu ámbito territorial- e ó Concello de Cervo a impulsar as iniciativas e ferramentas ó seu alcance para que, en colaboración coa empresa e traballadores, procurar a viabilidade da cerámica de Sargadelos en Cervo.
Lara Méndez valorou que “é necesario dar un paso máis alá da declaración de intencións por parte das administracións, que xa deron conta da súa disposición de colaboración en distintos órganos de representación, como no Pleno da Deputación de Lugo ou no Parlamento de Galicia. É hora de ofrecer solucións tanxibles. A primeira delas debe ser unha reunión a tres bandas entre administracións (Xunta, Deputación, Concello), empresa e traballadores, na que verdadeiramente coñecer a situación da cerámica e plantexar solucións reais, conxuntas e de futuro, que poderían pasar por un plan de promoción comercial ou un novo plan de viabilidade, cuxa posta en marcha require de coñecer o que aconteceu co anterior, no que o Executivo autonómico investiu 1 millón de euros de cartos públicos, precisamente, para non cometer os mesmos erros e garantir a continuidade de Sargadelos e, polo tanto, o empregos que xera. A Xunta de Galicia, como administración coas competencias, debe liderar, de xeito inmediato, a posta en marcha deste encontro”.
A organización, a cargo da Asociación R.C.M. Amigos de Monte Castelo, abrirá a venda de parcelas os días 21 e 22, en horario de 18:30 a 20:30, primeiro para confirmar as reservas do ano anterior e despois para repartir as libres. O venres terá lugar a misa na igrexa de Vila do Medio ás 20:00 e, xa pola noite, a actuación do grupo Pekados e o DJ Balbi. O sábado comezará coa sesión vermú a cargo de SP The Sound Project, seguida do concurso de disfraces, xogos infantís, tardeo con DJ Pepu, bingo musical con Marisa Prisa e unha verbena con Pantera Rosa e Gin Toni’s. O domingo celebrarase a misa e procesión en honra á Nosa Señora das Marabillas ás 13:00, e a sesión vermú correrá a cargo do dúo Épok. A romaría conta coa colaboración do Concello de Burela, ABSA e Ledicia, ademais de numerosos establecementos locais.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
