O Viveiro desprazábase á cancha do líder da categoría, o Quiroga FSF, que demostrou en todo momento o por qué da súa clasificación, diante dun desdebuxado Viveiro que encaixou tres goles nos primeiros cinco minutos de partido.
A primeira parte foi un cúmulo de despropósitos por parte das xogadoras do Viveiro que eran incapaces de saír da presión das locais e en defensa non souberon adaptarse a unha pista moi esvaradía, que facía que unha e outra vez as xogadoras locais chegaran con facilidade diante da meta de Diandra, das poucas xogadoras que rendeu ao nivel esperado.
O resultado ao descanso xa era de 5-1 e todo facía ver que se as viveirenses non espertaban e podían levarse unha importante goleada.
Na segunda metade as viveirenses saíron máis centradas e melloraron a súa defensa, a vez que en ataque chegaban con máis perigo diante da meta rival; pero os erros diante da portería local traducíanse en rápidos contraataques das xogadoras do Quiroga, que aproveitaron a falla de definición das de Viveiro, que puideron recortar distancias en varias ocasións e, sen embargo, encaixaron dous novos goles. Lis recortou de novo distancias no último minuto de partido.
En resumo, un encontro para esquecer que rematou cun 7 a 2 no marcados. Agora toca centrarse no encontro do vindeiro sábado diante do Sporting Rabadense a fin de pechar o ano con bo sabor de boca.
Quiroga FSF 7 – Viveiro FSF 2
Quiroga: Patricia, Carolina (1), Alba (3), Carlota (2) e Isabel (1). Tamén xogaron: Paula, Sabela e Andrea
Viveiro: Diandra, Nerea, Mery, María, Xiana. Tamén xogaron: Lis (2), Marta, Andrea e Nerea Abad.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
