Burela, 17 de decembro de 2013. O equipo de goberno xa pechou os presupostos municipais para 2014 que ascenden tanto no capítulo de ingresos coma no de gastos a 6.439.000 euros. O alcalde, José Mª González Barcia, dixo que se incrementan nun 3’2% con respecto aos deste ano, que son uns orzamentos austeros e adaptados ás necesidades básicas de Burela.
O rexedor explicou que “no equipo de goberno xa temos pechados os presupostos municipais de Burela para 2014. Son uns orzamentos que medran un 3’2% e ascenderán a 6.439.000 euros no capítulo de ingresos e a outros tantos no capítulo de gastos”.
González Barcia indicou que “a nosa intención é convocar as comisións informativas pertinentes, previas á celebración do pleno, para este venres, 20 de decembro. Antes desas comisións haberá unha xuntanza da mesa de negociación cos representantes sindicais para explicarlles as liñas xerais do presuposto no que se refire ao capítulo de persoal. E ese mesmo día despois da celebración das comisións informativas terá lugar unha reunión coa asociación de veciños O Vencello, na que lle explicaremos ao colectivo veciñal maioritario aquí en Burela as liñas mestras dos presupostos do vindeiro ano”.
Para o alcalde burelés “os orzamentos recollen as necesidades básicas do concello de Burela. É un presuposto que se rexe por unha máxima que é non gastar máis do que se ingresa e pagar todo o que se debe e por outra parte nos permitirá manter os servizos básicos municipais tal e como os viñamos prestando ata o de agora, que eu persoalmente creo que están a funcionar de forma máis que aceptable”.
O equipo de goberno entende que “os presupostos se basean fundamentalmente na austeridade, dado que a principal lacra que teñen é o pago das débedas herdadas por este equipo de goberno. Convén lembrar que nós aínda estamos a pagar a débeda herdada do antigo Concello de Cervo, que pesa coma unha auténtica lousa sobre a economía municipal e agora mesmo estamos a pagar a débeda herdada do bipartito que ascende a 1.100.000 euros, en base a crédito. Algo que temos que pagar entre todos os cidadáns e que deberían de pagar en exclusiva as persoas que o ocasionaron. E isto impídenos ter máis marxe de manobra que a que temos”. José Mª González Barcia engadiu que “Burela contará cuns presupostos acordes coas capacidades socioeconómicas que temos no nos termo municipal e axustados á situación actual real”.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
