O domingo 15 decembro celebrouse no campo de fútbol da Faxarda o Aberto do Galo na súa VII edicción, correspondente a 5ª xornada da liga regular de billarda da Conferencia NorLeste.
A soleada tarde que nos acolleu ao comezo da xornada billardeira, paseniño foi trocando ata sinalar moito frío.
De novo afluencia masiva de palanadores en pos do galo, en total sesenta e seis, todos eles cas miras postas en gañar e levar o galo para a súa mesa de Nadal, pero vese que ao galo non lle cortaron as ás e voou cara a Adina (San Xenxo). Foi o Luis, máis coñecido por Pirucha, quen se fixo co preciado trofeo, confirmando o fenomenal momento deportivo que atravesa.
De ter xogado en pavillón ou cemento, de feito se houbera rematado moito antes, pero ao xogar en herba a competición ralentizase. Houbo que habilitar 3 pistas simultáneas para axilizar a competición, ainda así foi necesario axudarse dos focos do campo para rematala xornada en condicións aceptables. Só se votou en falta un pouco máis de decisión da xente en colaborar á hora de arbitrar as carreiras, calquera pode e debe facelo, é unha parte máis do xogo e non podemos cargar todo o peso sempre nas mesmas catro ou cinco persoas, ao tempo arbitrar una carreira fai que vexamos o xogo dende outra perspectiva e que vivamos máis de perto a competición. E logo, a sensación de sermos todos útiles a un proxecto común é una gozada! Quén ainda non o fixo, ten que probalo.
As cinco carreiras xogadas deixaron sensacións moi variadas nos palanadores segundo lles fóra nelas, así algúns dos favoritos, nas primeiras de cambio xa se viron fóra da loita sorprendidos por un rival máis acertado ou por unha trastada do blando e irregular terreo de xogo que fixo alguna das súas.
Tres foron os palanadores que acadaron o pleno de carreiras gañañdas: Luis do equipo Gharabotos, Regueiro de Troitas Bravas e Xermán de Ekipa-Bítere. O bailarín da Pastoriza tivo que ausentarse sin disputala final e ficou no terceiro posto.
Final a tres carreiras entre un histórico que rexurde, Xermán, e o palanador errante do Salnés Luis Pirucha, que busca bater tódolas marcas habidas e por haber na billarda.
Primeira carreira para o Gharaboto, segunda empatada e terceira tamén empatada. Gañador do aberto Luis, segundo Xermán e terceiro Regueiro.
Por equipos de novo os Billardeiros Musicais gañan a xornada e amplian ventaxe ao fronte da clasificación.
Os varados estiveron caros nesta xornada e como se supoñía non houbo ninguén que traspasara o varal dun só golpe.
As clasificacións quedan así:
Individual: Richar 43 p., Regueiro 41 p., Charli, Daniel e Muriego 39p.
Equipos: Billardeiros Musicais 173 p., Carabujllos de Teixo 143 p. e Troitas Bravas 140 p.
Varados non cambia: Regueiro 4, Santi 3, Charli, Daniel, Miguel Moran e Muriego 2 varados.
A 6ª xornada será en Pacios-Castro de Riberas de Lea o 11 de xaneiro do vindeiro 2014.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
