Burela, 18 de decembro de 2013. O alcalde, José Mª González Barcia, reuníuse este mércores en Compostela coa directora do IGVS, Teresa Gutiérrez, para falar dos documentos de planeamento daquelas zonas que son prioritarias para desenvolver o Plan Xeral de Ordenación Municipal de Burela. O IGVS podería colaborar co Concello neste asunto. Será en todo caso cando o PXOM sexa aprobado definitivamente.
O rexedor explicou que “como se sabe, o Plan Xeral de Ordenación Municipal do noso concello está xa na Xunta de Galicia para a súa aprobación definitiva e eu espero que non tarde moito en chegar; pode ser dentro dous, tres ou catro meses. Pero tamén hai que ter en conta que o PXOM dun concello non é un documento para toda a vida, pois desde que se aprobe definitivamente non se pode deixar nun caixón nin nun armario, senón que hai que empezar a desenvolvelo. E nese sentido desde o equipo de goberno temos a firme intención de que para o día seguinte de que o plan xeral de Burela sexa aprobado definitivamente comezar a traballar para o seu desenvolvemento. Vai haber que facer plans parciais e sectoriais; en definitiva, vai haber que elaborar documentos de planeamento para máis adiante levar a cabo xa os documentos de desenvolvemento das zonas que nosoutros entendemos que deben ser prioritarias”.
González Barcia sinalou que “nese sentido hoxe mantivemos a primeira conversa, porque seguro que haberá moitas máis, coa directora do Instituto Galego da Vivenda e Solo da Xunta de Galicia, Teresa Gutiérrez, para intercambiar impresións sobre a posible colaboración entre o IGVS e o Concello de Burela de cara levar a cabo eses documentos de planeamento daquelas zonas de Burela que nosoutros entendamos que son prioritarias á hora de desenvolver o plan”. Segundo o alcalde burelés “é moi probable que se establezan marcos de colaboración entre o Instituto Galego de Vivenda e Solo e o Concello de Burela, polo que podería acontecer que técnicos do propio IGVS colaborasen para levar a cabo eses documentos de planeamento. Neste momento, evidentemente e ante a situación do propio plan, que aínda non está aprobado de forma definitiva, non nos plantexamos ningunha zona en concreto sobre a que actuar, polo menos co Instituto Galego de Vivenda e Solo. O equipo de goberno ten xa unha idea, máis ou menos perfilada, daquelas zonas sobre as que nosoutros queremos actuar, pero é un pouco prematuro falar das mesmas ata que o plan xeral non quede aprobado de forma definitiva”.
O rexedor dixo que “establécese un primeiro contacto entre o IGVS e o Concello de Burela, que eu creo que vai ser positivo, porque independentemente de que eles nos poidan ou non elaborar eses documentos de planeamento si é certo que a súa achega en canto a técnica e experiencia pode ser moi importante para un Concello como o noso, que non dispón dos medios técnicos suficientes como para elaborar este tipo de documentación. Un plan parcial ou un plan sectorial non son documentos sinxelos, precisan duns coñecementos técnicos amplos e dun equipo de xente numeroso, que nosoutros agora mesmo non temos”.
José Mª González Barcia fixo unha valoración positiva do encontro mantido hoxe en Santiago: “eu saio satisfeito desta reunión, desta primeira toma de contacto, que vai haber máis. Ata que o plan non quede aprobado de forma definitiva vamos ver como se concreta en futuras reunións esta colaboración. Pero entendo que é hora xa de ir dando pasos, porque o plan xeral é un documento vivo e como tal hai que desenvolvelo. E nese sentido estes son os primeiros pasos que damos de cara a esa intención e confiando en que desde o Instituto Galego da Vivenda e Solo se nos axude, que eu creo que así vai ser. Haberá que concretar máis adiante cales van ser os termos desa axuda en función de como quede definitivamente aprobado o plan xeral”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
