Despois de non deixar que libremente o representante dos veciños de Forxán puidera dar lectura ao un escrito dirixido a toda a corporación, o equipo de goberno “mostra a súa prepotencia e falta de democracia”.
“Na pasada Sesión Plenaria puidemos ver unha vez máis a este Alcalde, máis preocupado pola política, que polo pobo de Foz e obedecendo ordes dos que mandan na sombra”, denuncian dende Unifoz.
“Unha vez máis puxo encima da mesa a ubicación da EDAR, se haber consensuado con ninguén a decisión, e mesmo nin quixo aceptar ningunha condición propostas polo PSOE, unha clara mostra de que non quería acordo, solo quería ir de vítima, para defenderes politicamente con iso de que eu quería, pero non me deixan… Seguro ese pode ser o slogan da súa próxima campaña. Está claro que ao Sr Alcalde, interésalle, tratar este tema cada certo tempo, para xustificarse politicamente da súa incapacidade política e da súa falta de diálogo”.
“Para rematar o sr Alcalde non quixo tratar unha moción, de UNIFOZ, para abrir un novo prazo de 30 días a exposición pública do PXOM, coincidindo esta proposta coa proposta que presentaron os representantes dos veciños, e algo semellante ao que pide o propio PP no concello de Mondoñedo, con esta medida o Alcalde, pecha as portas a posible aprobación do PXOM, en esta lexislatura, posiblemente para dicir despois politicamente: eu quería, pero non me deixaron…”, advirten.
Ademais, Unifoz presentou unha moción de solicitar a modificación puntual do P.O.L. no final Avda. do Vicedo, para que o PXOM poda contemplar esta realidade urbanística que foi aprobada por unanimidade.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
