Para Espazo Ecosocialista a proposta de recorte de escanos no parlamento galego proposto polo Partido Popular entra dentro da estratexia de recorte da democracia e do autogoberno que a dereita sigue desde que chegou ao poder entendendo que o descontento dos recortes sociais so poden ser controlados cun recorte de liberdades públicas.
Para Espazo en Galicia a dereita ten gobernado nos últimos anos grazas a cometer fraudes electorais evidentes ao calor dos múltiples datos de financiación irregular das campañas electorais do PP. Pero lonxe de asumir unha nova perspectiva e un novo dialogo coa cidadanía, o goberno presidido por Feijoo aproveita a súa maioría absoluta para recortar o autogoberno.
A crise é unha escusa perfecta para que a dereita neoliberal aborde un proceso recentralizador e límite aínda máis os baixos niveis de autogoberno. O Partido Popular pretender recortar a democracia e reducir aínda máis o papel do parlamento galego e a voz do pobo galego representado nel. Así no remate da anterior lexislatura xa anunciou a súa intención de reducir o número de parlamentarios da cámara galega e nesta xa ten retomado o tema.
A Xunta de Galicia gasta en 141 asesores 5,3 millóns de euros, segundo os presupostos aprobados para 2012 ( 6 veces mais do recorte formulado ). So área de Presidencia, o gasto en asesores supera os 2,3 millóns de euros. 0,01 % do global dos orzamentos da Xunta, que para 2012 é de 9.858.500.000 euros.
Con estes datos é fácil que trala proposta de reducir o número de deputados en realidade o que se pretende e reducir a representación das minorías e consolidar as maiorías (cun 40% dos votos poderíase ter maioría absoluta) e o bipartidismo imperfecto.
Para Espazo do que se trata é de achegarnos a un modelo onde a relación voto-persoa sexa proporcionalmente exacta.
Unha redución de deputadas/os co mantemento das actuais circunscricións provinciais agravaría a representación territorial xa existente. Coa proposta do Partido Popular un escano en Coruña e Pontevedra valería arredor de 35.000 votos namentres que Ourense ou Lugo 15.000 votos.
A proposta debe ir na dirección contraria:
• Circunscrición única galega
• Eliminar o mínimo do 5%, para proporción pura por persoa e voto.
• Listas desbloqueadas
• Dotar aos programas o carácter de ‘vinculantes’
• Limitacións de mandatos
Pero, hai realmente moitas persoas representantes no parlamento galego?
Cabe sinalar que a media das CCAA é 1 representante por cada 33.000 habitantes. Galicia esta por riba da media con 1 representante cada 37.000 habitantes.
Tendo en conta isto máis a dispersión xeográfica aínda habería que aumentalas (Estremadura, Baleares ou Navarra é de 1 por cada 15.000) e chegar ata os 85 representantes (mesmo por riba do que marca o propio estatuto).
• Mantemento do actual número de deputadas/os, ou establecer un número de representantes por cada certo número de habitantes (p.e. 1 representante cada 30.000 habitantes)
Existen medidas para recortar o gasto sen recortar a democracia:
• Redución dos salarios dos e das deputadas 30%. Equiparar os salarios dos deputados e deputadas co grupo de funcionarias/os de maior categoría (baixada de 5.000 a 3.000 €) e eliminación de emolumentos extraordinarios inexistentes entre o funcionariado.
• Reducir as axudas ao grupos nun 25%
• Redución de persoas asesoras e pluses nun 30%
Con estas tres propostas se reduciría 330.000 ao mes (150.000 de salarios) e non as 75.000 sen tocar o numero de deputados.
Tamén supresión de organismos innecesarios e de elección indirecta como as deputacións.
O documento político de Espazo Ecosocialista para o debate na súa II Asemblea Nacional adica unha boa parte do mesmo ao tema da radicalidade democrática desde o ámbito electoral xeral ata a proposta para os concellos.
Unha proposta que xa no seu día foi esbozada por Espazo Ecosocialista e que avanza en modelos de democracia participativa e deliberativa máis que representativa.
Unha proposta que resume en 51 puntos que se enmarcan en 7 apartados:
1. REFORMA DO SISTEMA ELECTORAL
2. TRASPARENCIA PÚBLICA, PARTICIPACIÓN CIDADÁ E ADMINISTRACIÓN
3. EXERCICIO DE CARGOS PÚBLICOS
4. REFORMA DA ADMINISTRACIÓN TERRITORIAL E INSTITUCIONAL
5. DEREITO A UNHA XUSTIZA EFECTIVA E TRANSPARENTE
6. CAMPAÑAS ELECTORAIS E FINANCIAMENTO DOS PARTIDOS POLÍTICOS
7. DEREITO A UNHA INFORMACIÓN INDEPENDENTE, VERAZ E DE CALIDADE
E todas estas propostas enmarcadas nun proceso constituínte que nos permita avanzar nunha nova democracia mais avanzada.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
