Foz, 8 de xaneiro de 2014. A décimo primeira edición da Festa do Berberecho de Foz celebrarase do 17 ao 19 deste mes nunha carpa que será instalada no peirao e en locais hostaleiros da vila. O evento, que será pregoado por Basilio Otero, foi presentado este mércores polo alcalde, Javier Jorge Castiñeira, e polo concelleiro de Pesca, Pedro Fernández Manín.
Como actividade previa á XI Festa do Berberecho o vindeiro mércores, día 15 de xaneiro, ás 10 da mañá haberá unha visita á Ría de Foz para alumnos de 4º de ESO dos colexios O Pilar, Martínez Otero e do IES focense acompañados pola bióloga Olga Teijeiro Golpe, dependente da Xefatura do Mar de Celeiro.
O venres 17 empezará a degustación de berberecho nos locais hostaleiros de Foz e ás oito da tarde terá lugar o pregón a cargo de José Basilio Otero Rodríguez, natural da parroquia focense de Nois e que é presidente do Grupo de Acción Costeira A Mariña-Ortegal, vicepresidente primeiro da Federación Galega de Confrarías de Pescadores e patrón maior de Burela. No acto terá lugar unha actuación musical a cargo do grupo Canere Son, de Burela. E ás 21 horas abriranse as casetas instaladas no peirao.
O sábado 18 seguirá a degustación de berberecho nos locais de hostalería de Foz e na carpa instalada no peirao a cargo de Restaurante Pizzería A Soalta e Cafetería Náutico. Desde as doce do mediodía ata rematar as existencias servirán racións de berberechos en empanada, á mariñeira, ao vapor e con fabas de Lourenzá. O prezo de cada ración con pan é de 4 euros. De 12:30 a 15:00 horas haberá animación con música tradicional a cargo do grupo A Subela e ás 19 horas empezará o segundo Certame de Cantos de Taberna nos bares participantes. Na carpa actuará a agrupación O Feitizo ás 19:30 horas e a Rondalla Latexos ás 22 horas.
A XI Festa do Berberecho de Foz rematará o domingo 19 con degustación de berberecho nos locais de hostalaría, ás 12 do mediodía abrirase a carpa para seguir ofrecendo racións como o día anterior. De 12:30 a 14 horas haberá animación de rúa con música tradicional a cargo do grupo O Feitizo de Foz e ás 14:30 actuará o grupo musical Mar Aberto.
O concelleiro de Pesca explicou que “o Concello de Foz está preparando a tope a XI Festa do Berberecho” e sobre o pregoeiro do evento, Basilio Otero, destacou que “é unha persoa moi coñecida, que actualmente é presidente do Grupo de Acción Costeira A Mariña-Ortegal, vicepresidente primeiro da Federación de Confrarías de Pescadores e patrón maior de Burela. Queremos agradecerlle a disposición que tivo ao aceptar a nosa invitación porque é difícil atopar persoas que se presten para estes mesteres. É unha persoa que naceu na parroquia de Nois, no concello de Foz, e estivo sempre dedicado á vida do mar”.
Sobre a visita á ría de Foz que haberá o vindeiro mércores Pedro Fernández Manín comentou que “foron invitados alumnos dos centros onde dan a segunda etapa de estudos. Entendemos que como se vai explicar mesmo ao pé da ría o estado do berberecho, como se cría, como se sementa e outras cuestións é un tema que entendemos que é moi interesante”.
En canto ao segundo Certame de Cantos de Taberna, que terá lugar o sábado 18, o concelleiro de Pesca explicou que “todos aqueles veciños que queiran formar grupos nós estamos encantados de que colaboren co Concello e quero agradecer a axuda destas agrupacións desinteresadamente, sen cobrar un só euro”.
Para rematar Pedro Fernández Manín destacou que “por parte da organización estase a promover como sempre este evento, xa de gran renome no concello de Foz e que por parte do grupo de goberno queremos que sexa unha das festas destacadas nesta zona”.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
Tamén puxo en valor o labor de Fonmiñá e a importancia dunha cita cultural que cumpre 48 edicións. Para Vilalba, a incorporación da actriz ao Paseo do Cine é un recoñecemento que a vila sente como propio.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
