A Mariña, 9 de xaneiro de 2014. O BNG da Mariña denuncia o desabastecemento de menciñas e material sanitario básico no Hospital da Costa que leva varios día reciclando dun departamentos a outros produtos tan básicos como o ventolín, de uso frecuente en persoas con afeccións asmáticas, por ter desabastecida a farmacia do propio hospital. Os nacionalistas piden explicacións á xerencia do Hospital e á Xerencia de Xestión Integrada a quen responsabilizan da situación por non prever o mantemento do material sanitario de uso común básico para a asistencia sanitaria. Pola contra aseguran que o SERGAS, moi ao contrario do sucedido coa amortización de prazas médicas en Cervo, Xove e Ribadeo, cubriu con urxencia a xubilación dun dos dous curas de servizos no Hospital da Costa poñendo por diante a asistencia espiritual da asistencia sanitaria.
O BNG pediu explicacións á Xerencia Executiva do Hospital da Costa de Burela e á Xerencia de Xestión Integrada con dirección en Lugo polo desabastecemento de material sanitario no Hospital da Costa que leva 48 horas sen material básico de uso común e tan frecuente como poda ser un ventolín. Os nacionalistas responsabilizan ao SERGAS e ás súas áreas de xestión en Lugo e Burela de situar a asistencia sanitaria en niveis do chamado terceiro mundo con hospitais desabastecidos de material básico para o seu funcionamento.
Na mesma dirección reclaman solucións inmediatas e explicacións aos dirixentes do Partido Popular na Mariña que defenderon a Área de Xestión Integrada como un achegamento e mellora da asistencia sanitaria cando o tempo e os feitos veñen dar a razón aos que defendiamos todo o contrario. Para o BNG a centralización de servizos e os modelos centralizados de xestión aplicados polo SERGAS están detrás do evidente deterioro da asistencia sanitaria en Galiza e na Mariña en particular, polo que aproveitan para preguntar si no modelo de central de compras posto en marcha polo SERGAS non hai boa distribución, para que serve?
O SERGAS PRIORIZA A ASISTENCIA ESPIRITUAL SOBRE A SANITARIA
O BNG aproveitou para poñer en cuestión as prioridades da Consellaría de Sanidade á hora de cubrir as necesidades do sistema sanitario galego onde “parece primar a asistencia espiritual sobre a sanitaria”, afirmando que diante da xubilación dun dos dous curas que prestan servizos no Hospital da Costa a súa praza foi cuberta con urxencia moi ao contrario do sucedido coas prazas médicas perdidas nos centros de saúde de Cervo, Xove ou Ribadeo.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
