Riotorto, 9 de xaneiro de 2014. A plataforma Iniciativa Galega pola Gratuidade da Sanidade solicitará aos grupos políticos con representación no Pazo do Hórreo e nas Deputacións Provinciais unha xuntanza para valorar as consecuencias que terá no país a aplicación da Resolución do 10 de setembro de 2013, da Dirección Xeral da Carteira Básica de Servizos do Sistema Nacional de Saúde e Farmacia, pola que se procede a modificar as condicións de financiamento dos medicamentos incluídos na prestación farmacéutica do Sistema Nacional de Saúde mediante a asignación da aportación do usuario e pola cal enfermos con patoloxías graves e/ou crónicas pasarán a pagar polas menciñas dispensadas na farmacia hospitalaria para casos de cancro de mama, ril, tumores cerebrais, leucemia mieloide crónica, tumores malignos resecábeis e/ou metastásicos do estroma gastrointestinal (GIST), artrite reumatoide, dexeneración macular ou hepatite C crónica.
Ante a insistencia do Ministerio de Sanidade porque as comunidades autónomas apliquen de xeito inmediato esta medida, desde Iniciativa Galega pola Gratuidade da Sanidade insisten “na necesidade de buscar alternativas para evitar as consecuencias que tal medida terá na saúde dos cidadáns, especialmente no noso país, caracterizado por rendas baixas, avellentamento da poboación e dispersión poboacional. Nun país como Galiza castigado por estes factores e altas taxas de desemprego, o copago hospitalario suporá que moitos pacientes se vexan na obriga de deixar tratamentos vitais por non poder pagalos”.
“O copago en Galiza é un dobre castigo; unha dobre multa que está impoñendo o presidente Feijóo, quen opta por penalizar a enfermidade- continúa. Por unha banda, o copago hospitalario rematará co acceso á sanidade pública, un dereito esencial, e por outra incrementará as desigualdades entre o pobo. Ademais, a este copago hospitalario hai que engadir outros como o copago de próteses ou o copago de transporte sanitario que constitúen xa unha traba para acceder ao sistema sanitario en condicións de igualdade”.
Federico Gutiérrez Estoa, membro desta plataforma e alcalde de Riotorto lamenta que Galiza e Aragón sexan as únicas comunidades autónomas que, a día de hoxe, mostran a súa disposición a aplicar de inmediato o decreto que instaura o copago hospitalario. “Esta decisión –argumenta- da mostra da catadura do Goberno galego, cuxo presidente non ten a cabeza en Galiza. O presidente Feijóo está centrado no xogo da carreira sucesoria de Mariano Rajoy e non ten a cabeza posta no país, amosando crueldade e indiferencia cara os verdadeiros problemas dos galegos e galegas.”
Na xuntanza que Iniciativa Galega pola Gratuidade da Sanidade espera manter coas forzas políticas con representación institucional no Parlamento Galego e nas Deputacións, pediralles que traballen para impugnar o citado decreto e frear a súa entrada en vigor. Estoa conclúe que “non se pode permitir que fomentar a inxustiza se volva norma fundamental dun executivo, como está a acontecer nos gobernos do Estado e galego”.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
