Ribadeo, 28 de xaneiro de 2014. Como cada ano o Concello de Ribadeo, en colaboración con Enrique Sampedro, autor do blog Ría de Ribadeo, vai celebrar o Día Mundial do Humidais. Nesta ocasión, os día 1 e 2 de febreiro, sábado e domingo próximos, levaranse a cabo unha serie de actividades coa intención de dar a coñecer a importancia ecolóxica e ambiental da ría de Ribadeo e “para sensibilizarnos no mantemento e conservación da mesma”.
O sábado, 1 de febreiro, haberá a partires das 12 da mañá na Casa do Mar unha sobre A ría de Ribadeo, un refuxio para as aves migratorias, a cargo de Xabier Prieto Espiñeira, membro da Sociedade Galega de Historia Natural e autor do blog Bichos y demais familia.
Ese mesmo día ás 15 horas con saída desde a oficina de turismo terá lugar unha ruta pola ría para observar aves. Será guiada por Enrique Sampedro. Durante a visita daranse as claves para identificar e diferenciar as diferentes aves que se poden atopar no estuario. Os interesados en participar deben inscribirse no seguinte número de teléfono: 982 128 689.
Tamén ás 15 horas do sábado dará comezo o 1º Testing Fotográfico Ría de Ribadeo. Simultaneamente á ruta polo ría, quen desexe participar nesta actividade deberá ir provisto de cámara de fotos. Así fotografaranse as diferentes especies de aves para facer o día seguinte unha posta en común. Desde o Concello de Ribadeo advirten da importancia de levar prismáticos e cámara de fotos.
E xa o domingo, 2 de febreiro, ás 12 da mañá na oficina de turismo haberá un obradoiro fotográfico. Os participantes no 1º Testing Fotográfico Ría de Ribadeo reuniranse para identificar as aves fotografadas o día anterior, e subir as fotografías á plataforma Biodiversidad Virtual.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
