Barreiros, 28 de xaneiro de 2014. O grupo municipal do BNG en Barreiros presentaba no pleno deste luns, pola vía da urxencia, unha moción na que se instaba á corporación municipal a posicionarse en contra da suba que o goberno central vén de decretar nas cotizacións á Seguridade Social para as persoas autónomas e pequenas empresas.
Para a formación nacionalista, “é fundamental que un concello coma o de Barreiros, cuxa economía está formada practicamente en exclusiva por persoas autónomas ou pequenas empresas, resposte coa contundencia oportuna a medidas discriminatorias como a que vén de adoptar o goberno central. As concelleiras e concelleiros somos os representantes das nosas veciñas e veciños que están vendo como o Partido Popular
lonxe de axudar ás pequenas empresas e persoas autónomas as asfixia con medidas impositivas mentres decreta amnistías fiscais para as grandes fortunas e, como representantes, temos a obriga de posicionarnos fronte ás medidas inxustas que non fan máis que afogar ás nosas veciñas e veciños.”
Por esta razón, para o BNG o mínimo que debería facer un concello coma o de Barreiros é “amosar o seu apoio a quen realmente está sustentando a economía e o emprego” e critican que o Alcalde, Alfonso Fuente, afirmara durante a súa defensa para non tratar a moción que esta medida se facía para evitar unha bolsa de fraude fiscal, tratando así como defraudadores a autónomos e pequenas empresas. Fronte a isto, desde
o BNG lembráronlle ao rexedor que “a maior bolsa de fraude fiscal non está nos sectores de persoas autónomas e pequenas empresa, senón nas grandes fortunas para as que o Partido Popular decreta amnistías fiscais.” Por esta razón, os nacionalistas demandaban na súa moción que se aprobaran “as reformas lexislativas necesarias de cara a promover unha reforma fiscal verdadeiramente progresiva, que grave ás grandes fortunas e grandes empresas, persiga a fraude fiscal e non incremente as cargas sobre as persoas autónomas e pequenas empresas.”
A modificación da ordenanza do SAF: unha nova suba para as persoas usuarias.
O BNG votou en contra da modificación proposta polo goberno municipal a respecto da ordenanza que regula o Servizo de Axuda no Fogar. Con esta nova modificación, que vén determinada por un Decreto da Xunta, o concello de Barreiros aplica un novo incremento no coste deste servizo para as persoas usuarias.
Para o BNG “non é de recibo que a falta de compromiso da Xunta de Galiza coa aportación que fai aos concellos para este servizo estea a conlevar continuos incrementos no seu prezo para as persoas usuarias.” Con esta modificación, as persoas poden chegar a costear ata un 90% do servizo cando o máximo anterior estaba no 65%. Ademais, redúcense os tramos das horas que se utilizan, polo que unha persoa que antes podía aportar por 30 horas, agora pasará a aportar polo tramo de menos ou igual a 45 horas –aínda que siga facendo uso do servizo 30 horas-, o que supón pasar (no caso dunha persoa cuns ingresos entre o 100% e o 115% do IPREM) dun 6,56% ao 9,61%. Os nacionalistas opuxéronse a esta nova suba no servizo de axuda no fogar, porque consideran que “a Xunta e o Partido Popular alí onde goberna, coa súa falta de políticas sociais, están condenando á maioría da sociedade a vivir en peores condicións en función da súa capacidade económica”.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
