A Mariña, 29 de xaneiro de 2014. O BNG reuniuse na tarde-noite deste mércores con persoas autónomas e pequenas empresas nun encontro que tivo lugar no Hotel Nordés, en Burela. Ao encontro asistiron representantes da Federación comarcal de ACIAs da Mariña e unha delegación da Executiva Comarcal nacionalista formada por Ana Ermida Igrexas, Responsábel Comarcal, Antonio Veiga Outeiro, Vicepresidente Primeiro da Deputación e Responsábel de Política Municipal da Executiva e o Vice-responsábel Comarcal, Xoán Antón Estúa García.
A formación nacionalista deu conta ante o sector dunha serie de iniciativas que foron presentadas no Congreso dos Deputados por medio da Deputada nacionalista, Olaia Fernández Davila, a respecto dos problemas que teñen as persoas autónomas e pequenas empresas. Desde o BNG pídenlle ao goberno do Estado que dea marcha atrás na suba das cotizacións ás persoas autónomas, xa que “o único que conseguen con estas medidas é afogar máis ao sector e impedir o crecemento económico que, a día de hoxe, ten un sustento fundamental no autoemprego e pequenas empresas.” A formación frontista tamén vén de solicitar do Ministerio que se facilite o acceso destas persoas ao paro cando teñen que pechar os seus negocios, xa que “a realidade é que, na práctica, o 80% das persoas que o solicitan ven como llelo denegan a pesares de ter cotizado por este concepto”, explican desde o BNG. Nesa mesma institución, dirixida ao Goberno do Estado, os nacionalistas solicitan que “se faciliten os trámites ante Facenda, tendo en conta que a desaparición dos modelos en papel e a obriga da súa presentación telématica pode supor importantes dificultades para moitas das persoas que teñen negocios ou,incluso, un incremento dos custes ao ter que externalizar a súa xestión.” Neste sentido, a representante nacionalista no Congreso solicitou que convivan durante un tempo ambas formas de presentación e que se habiliten espazos de axuda nas propias delegacións de Facenda.
Igualmente, os nacionalistas deron conta das iniciativas presentadas no Parlamento galego e da moción que presentarán nos concellos da comarca a respecto do incremento das cotizacións á Seguridade Social e na que se pide que se faga unha verdadeira reforma fiscal que evite o fraude que se atopa, fundamentalmente, nas grandes empresas e nas grandes fortunas. Ante profesionais e representantes das asociacións que os agrupan, os nacionalistas insisten en que “as medidas deste goberno sempre van dirixidas ao mesmo: a afogar aos sectores máis febles, mentras as medidas de apoio só son para as grandes corporacións e aproban amnistías fiscais para quen defrauda.”
Os nacionalistas consideran que “o sector das persoas autónomas e pequenas empresas é fundamental para seguir mantendo a economía na nosa comarca e a súa contribución ao mantemento e creación de emprego é indiscutible.” Por iso consideran fundamental que se garanta o acceso ao crédito para poder garantir a viabilidade destes negocios e critican que “a reestruturación bancaria que aplicou o goberno non servira para garantir liquidez a quen máis o precisa, como é o caso deste sector.”
Desde o BNG trasladaron o seu apoio ás medidas que poida adoptar o sector de cara a defender a súa continuidade e amosáronse en disposición de levar as súas peticións ás institucións nas que teñen representación.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
