“O primeiro recoñecemento extraxudicial de créditos do ano no Concello de Foz quedou sobre a mesa a proposta dos socialistas”

Dende o Grupo Municipal Socialista de Foz queremos facer balance do primeiro Pleno ordinario do ano no noso concello, comezando pola proposta de aprobación de recoñecemento extraxudicial de créditos do Goberno popular destinada a abonar facturas pendentes a unha compañía telefónica por importe de 10.731,44 euros, recoñecemento que quedou sobre a mesa a proposta dos socialistas e co apoio do resto dos grupos da oposición municipal, pois, tal como explicou a voceira socialista, Rosa Pérez Gradaílle, “Traer a Pleno un recoñecemento extraxudicial para abonar facturas pendentes a un só proveedor, neste caso unha compañía telefónica, supón un agravio comparativo enorme para o resto dos proveedores do concello que tamén están esperando para cobrar. Ademais, non se nos proporcionou información en relación aos conceptos a que correspondían as facturas que se pretendían aprobar, nin a que teléfonos, nin a que servizos. Por outra banda, non encontramos para nada acreditado ese suposto aforro para o concello a raíz da contratación de dita compañía telefónica ao que aludiu o Sr. Castiñeira, pois actualmente a lo menos tres empresas de telefonía prestan servizo ao concello, e solicitamos un informe que conteña datos concretos, en vista de que existe un descontrol total e absoluto do gasto por parte do Goberno popular.”

En canto á proposta de modificación da Ordenanza Fiscal reguladora da Taxa pola prestación de servizo de piscina municipal e instalacións deportivas, dende o Grupo Socialista nos amosamos totalmente contrarios á suba dun 9,1% desta taxa proposta polo alcalde, considerándoa totalmente desproporcionada e excesiva, e, tal como afirmou a voceira socialista “ Non podemos esquecer que a piscina é un servizo municipal, anque se esté prestando a través dunha empresa concesionaria, e a suba dun 9,1% no prezo da taxa que propón o alcalde vai provocar que a maioría dos usuarios se den de baixa por non poder abonala. Neste senso, tamén queremos deixar constancia das continuas queixas que nos trasladan os usuarios en relación a deficiencias no mantemento das instalacións, e solicitar ao goberno municipal que exerza as súas competencias de control ao respecto.” Finalmente, no Pleno foi aprobada por unanimidade dos grupos da Corporación a actualización da taxa conforme ao IPC, que foi cifrado nun 4,1% polos técnicos municipais, dando deste xeito cumplimento ao contrato asinado coa empresa concesionaria.

En último termo, facer referencia ás Mocións presentadas polo Grupo Socialista neste primeiro Pleno ordinario do ano, a primeira delas con motivo do Anteproxecto de lei orgánica polo que o goberno pretende revisar a lexislación vixente en España sobre saúde sexual e reprodutiva e interrupción voluntaria do embarazo, a través da cal se instaba ao executivo a retirar inmediatamente e non continuar a tramitación do referido Anteproxecto de lei e dar traslado do acordo ós grupos políticos con representación no Congreso, moción que foi aprobada coa abstención do Grupo do PP. Presentamos, así mesmo, outra Moción para esixir á Xunta de Galicia a creación dun Plan de Emprego para a totalidade da provincia de Lugo, eliminando os criterios partidistas e priorizando a creación de emprego xuvenil e para maiores de 55 anos, que foi aprobada por unanimidade dos grupos políticos representados na Corporación. E por último, debatiuse pola vía de urxencia unha Moción manifestando o rexeitamento ós criterios fixados polo Goberno Central e Autonómico para o reparto das axudas da Política Agraria Común e instando a modificación destes para ser perceptor, por discriminar os mesmos ós agricultores activos, moción que foi aprobada coa abstención do Grupo do PP.