O Concello de Ribadeo, os seus cidadáns, e todas as forzas políticas que compoñen a Corporación Municipal, dirixen á conselleira de Traballo e Benestar, Beatriz Mato, unha carta amosándolle a súa preocupación pola futura residencia da terceira idade a executar en Ribadeo; xa que hai partidas orzamentarias que se teñen que investir neste 2014 e o Concello está pendente dun requisito esencial que é a correspondente autorización autonómica.
O escrito recolle que “a situación actual é que a día de hoxe están asinados os compromisos de financiamento coa Deputación Provincial de Lugo que ascenden a 1.828.000 euros para catro anualidades, significando que para este exercizo 2014 deberá estar xustificado un importe de investimento de 1.028.000 euros polo que se fai imprescindible a licitación inmediata das obras por este Concello para o que é requisito esencial a autorización autonómica segundo a Lei 13/2008.
Tamén fan constar que “tendo coñecemento as forzas políticas do Concello de Ribadeo da finalización da tramitación técnica para obtención da comentada autorización e sendo conscientes, igualmente, dos cambiso lexislativos, non debemos esquecer que este proxecto ten conlevado e conleva a actuación conxunta de tres administracións públicas, e un importe económico de investimento cercanos aos 2,5 millóns de euros. O retraso inxustificado ou a non autorización deste proxecto, sitúa as forzas políticas deste Concello nunha difícil situación para poder explicar á súa veciñanza a perda económica e, o que é máis importante, a perda dun proxecto conxunto onde se puxeron tantos esforzos e esperanzas colectivas”.
Na carta tamén recoñecen que “temos coñecemento por técnicos desa Consellería que o proxecto básico e de execución se atopa a día de hoxe informado favorablemente, e pendente simplemente de mandarnos a autorización”.
“Por todo o anterior, pregámoslle encarecidamente que dea as instruccións precisas ou remova os obstáculos que poidan existir para que os veciños e veciñas deste Concello poidan ver cumprido este obxectivo nos prazos comprometidos documentalmente”.
O escrito está asinado polo alcalde, Fernando Suárez; pola concelleira de Servizos Sociais, Teresa González; polos voceiros do PP, PSOE e UPRI, Manuel Valín, Eduardo Gutiérrez e Agustín Reimóndez, respectivamente; e polo portavoz dos veciños, José Mª Rodríguez.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
