Espazo será o primeiro partido galego que terá un liderado compartido

O candidato á Coordinador Nacional, Xoán Hermida, e a candidata á Coordinadora Nacional, Modesta Regueira, presentaron hoxe en rolda de prensa os eixos da súa liña política en Rolda de Prensa.

Espazo Ecosocialista, formación ecosocialista integrada en AGE, esta en pleno proceso asembleario (celebrará a súa II Asemblea Nacional o 22 de febreiro en Santiago de Compostela dous anos despois do seu nacemento).

Esta forza conformada fundamentalmente por persoas procedentes dos movementos sociais e da esquerda renovadora esta acentuando o seu papel propositivo e de alternativa construtiva á vez que medra e consolida a súa estrutura territorial e o seu crecemento.

Este venres de semana pasada rematou o prazo de presentacións de candidaturas para o Consello Aberto Nacional e para a Coordinación Nacional. Tanto o Consello Aberto Nacional (CEN), maximo organo político entre asembleas como a coordinación nacional serán paritarias. Ao posto da Coordinación paritaria so se presentaron Xoán Hermida e Modesta Regueira.Espazo será o primeiro partido galego que terá un liderado compartido.

O Coordinador actual de Espazo Ecosocialista, Xoán Hermida, recordou os tres obxectivos polos que nacera esta formación política hai dous anos: crear unha forza da esquerda renovadora que incorporará na política galega as novas axendas presentes en Europa e no mundo como a radicalidade democrática, a sustentabilidade ou as políticas de ben común; abordar novas formas de facer política e unha nova relación coa cidadanía libre de tutelaxes e controis; e crear unha cultura de cooperación da esquerda que permitira reconstruír a esquerda nacional desde a súa pluralidade.

Consideran que a evolución de Espazo Ecosocialista nestes dous anos ten amosado que é posible construír unha forza así en Galicia. O crecemento en membros, pasando de algo máis de cuarenta persoas a case 300 membros; a extensión territorial; hoxe Espazo esta presente en nove comarcas, e a incorporación de sectores dos movementos sociais e doutras forzas de esquerda amosan; amosan a necesidade que para unha parte da poboación máis implicada fai falla dunha forza amable, cooperativa e propositiva.

Segundo Xoán Hermida vivimos tempos dificís onde as persoas estan a sofrer que requiren de posicionamentos claros e actitudes unitarias. “estamos nunha crise sistémica que no caso español agravase cun esgotamento do modelo saido da transición e onde as elites do mesmo comportanse como se fora un réxime en decadencia, expoñente diso son a falla de inciativa política no caso catalá ou a corrupción xeneralizada das propias elites.” O caso da operación Pokemon é, segundo Xoán hermida, un escandalo sen precedentes e apunta non a casos de corrrupción individual senón a un entramado sistemico de corrupción xeneralizado. Para o dirixente ecosocialista a unica saida é a dimisión de todolos responsables e que se depuren responsabilidades políticas e xudiciais; non obstante advertiu que “non vai ser a xuiza Pilar de Lara quen renove a política senón que ten que ser desde os partidos políticos onde se faga isto senón acabara aparecendo o populismo e o Besluconi de turno”.

Para Espazo é necesario construír unha alternativa crible desde a esquerda porque no caso de non ser así outros o farán. Para Espazo esa alternativa pasa por AGE pero por unha nova AGE.

Para o dirixente de Espazo AGE acacou o gran resultado nas pasadas eleccións por tres motivos: presentar unha oferta unitaria, ofrecer un programa real de cambio, e sinalar a necesidade de explicitar novas formas de facer política diferente aos partidos tradicionais. Lamentablemente esta terceira aínda este tercer aspecto ainda non é real, e por iso para Espazo AGE debe converterse nun instrumento estratéxico, de longa duración, e cidadá, de participación real das persoas que confiaron nela.

Asistimos a un ciclo de cambio, que se inciou nas municipais de hai tres anos (15M) e nese ciclo que apunta a un novo proceso constituínte é onde deben enmarcarse as eleccións europeas e municipais.

Para Xoan Hermida as forzas de esquerda deben abordar estas eleccións de xeito unitario para rachar co bipartidismo e abrir o proceso cara a unha nova democracia.

Espazo aborda as eleccións europas con 4 obxectivos:

– comparecer cun instrumento político galego, desexablemente AGE ou outra formulación na que polo de pronto xa estan implicados Esquerda Unida e o propio Espazo Ecosocialista, co fin de que exista unha representación galega de esquerdas en bruselas que defenda os interes da cidadanía galega;

– comparecer cunha alianza estatal con IU e outras forzas de esquerda para crear un bloque que agrupe as forzas da esquerda verde e alternativa e que rache a gran coalición exixtente hoxe entre socialdemocratas e populares;

– recuperar as institucións europeas secuestradas hoxe polos tecnocratas e pola troica;

– abrir un novo proceso constituinte que supere o modelo neoliberal afirmado no tratado de Lisboa.

Pola súa parte ás eleccíons municipais tamen se deben aboradar nesa clave e debido a fragmentación existente debe dar un impulso desde o eido da esquerda política e social e nivel de cada concello.

Tamén compareceu na rolda de prensa a candidata a Coordinadora Nacional, Modesta Regueira, que sinalou a necesidade da implicación social no cambio e considerou “central a reactivación da Alianza Social Galega que convoca mobilizacións para o 27 de febreiro ou a Marcha pola Dignidade do próximo 26 de marzo convocada polas diferentes mareas de defensa dos sectores públicos”

A candidata a Coordinadora Nacional sinalou que “cando existe unidade social e política e firmeza nas loitas se acadan logros coma é o caso recente da sanidade pública en Madrid ou os casos en Galicia de Corcoeso ou o trunfo dos veciños de Cabral en Vigo que paralizaron o proxecto do megacentro comercial en Liñeiriños”.

Modesta Regueira apuntou tamén que “as novas axendas deben avanzar máis alo das alianzas conxunturais cara a formulas de cooperación estratexica”

Tamén sinalou que todo isto: unidade, novas axendas, cooperación política, terán sentido se somos capaces de crear un novo relato alternativo e unha oferta programatica crible.

Segundo a dirixente ecosocialista “precisamos construír novas relacións entre a esquerda partidaria e a esquerda social, baseada na confianza mutua e no respecto a independencia das partes”

Modesta Regueira concluiu facendo un chamamento aos activistas sociais a incorporarse á política.