A ministra de Fomento, Ana Pastor, xunto ao presidente da Xunta, Alberto Núñez Feijóo, asistiu este luns en Mondoñedo, Lugo, á inauguración das obras dos tramos Mondoñedo-Lindín e Lindín-Careira da autovía do Cantábrico (A-8). Trátase dos últimos 15,9 km que restaban para completar o total de 87 km que ten a autovía A-8 en Galicia e que se abrirán ao tránsito este martes 4 de febreiro.
A finalización destes tramos de autovía supón para os 8.000 vehículos que de media circulaban diariamente pola N-634, tráfico que se eleva significativamente durante o verán, unha importante mellora na comodidade, velocidade e seguridade de tránsito ao evitar a antiga estrada na ascensión dende Mondoñedo cara ao alto da Xesta.
O Ministerio de Fomento apostou firmemente pola finalización da autovía A-8, fundamental para a vertebración da cornixa cantábrica e a súa conexión coa Europa central. Para iso, na presente lexislatura dispuxo os recursos económicos necesarios, o que supuxo aportar en só dous anos o 63% do presuposto das obras do tramo Lindín-Careira e o 81% do presuposto no tramo Mondoñedo-Lindín. Con esta apertura, unida á posta en servizo en decembro de 2013 do tramo Otur-Villapedre en Asturias, será posible circular por autovía de forma continua dende A Coruña e Lugo ata Oviedo e Xixón, con continuidade ata Llanes. Por outra parte, trabállase con intensidade no tramo entre Unquera e Pendueles, en Asturias, o que permitirá completar a A-8 ata Cantabria.
O presuposto do contrato de obras do tramo Mondoñedo-Lindín ascende a 88,69 millóns de euros e o de Lindín-Careira a 85,79 millones, cantidades que sumadas ao coste de redación dos respectivos proxectos, ao importe estimado das expropiacións e ao coste das asistencias técnicas para o control e vixilancia das obras, arroxa unha inversión total de 191,72 millóns de euros.
Características técnicas
A infraestructura discorre polos termos municipais de Lourenzá, Mondoñedo, Abadín e Pastoriza. Trátase dun tramo de autovía de novo trazado de 15,9 km de lonxitude que discorre ao sureste da antiga N-634. Dispón de 2 calzadas, cada unha con 2 carrís de 3,5 metros, arcéns exteriores de 2,5 metros e interiores de 1 metro, separadas por unha mediana de entre 2 e 6 metros de anchura segundo os tramos.
Construíronse 2 enlaces completos:
– Enlace de Lindín coa carretera LU-124 Mondoñedo-Meira.
– Enlace de Careira coa carretera LU-P-0105, que á súa vez da acceso á N-634 á altura da Xesta (Abadín).
A nova autovía requeriu importantes e complexos traballos de enxeñería ao discorrir por un terreo accidentado e xeotécnicamente moi complicado, especialmente as ladeiras do monte Padornelo. Por iso se realizaron importantes desmontes, obras de drenaxe superficial e profundo, muros de sostemento nos tramos a media ladeira e gran número de estruturas de diversas tipoloxías. Entre elas destacan 10 viaductos (Grove, San Carlos, Monfadal; Fonte; Lindín; Curros, Vedros, Fiouco, Muras e Galgao) que suman unha lonxitude de 2.442 m, aproximadamente o 15 % da lonxitude total destes tramos de autovía. Entre eles sobresae o viaducto de Lindín, con 757 metros de lonxitude e 103 metros de altura máxima de pila.
Ademais construíronse 6 pasos superiores e 8 pasos inferiores, tanto para constituír os enlaces a distinto nivel como para asegurar a continuidade dos camiños e estradas interceptadas pola traza. Así mesmo, numerosas obras de drenaxe permiten o paso das augas nas vaguadas atravesadas.
Integración ambiental
Entre as medidas de prevención e corrección do impacto ambiental que se levaron a cabo, destacan:
– A revexetación dos taludes de terraplén e desmonte, así coma outras superficies das marxes da autovía, mediante o extendido de 323.000 m3 de terra vexetal, hidrosembra de 922.000 m2 e plantación de árbores e arbustos.
– Construción de barreiras de sedimentos e balsas de decantación para protexer ríos e arroxos.
– Dispositivos para facilitar a permeabilidade da autovía á fauna.
– Adecuación ambiental dos movementos de terras.
– Protección do patrimonio cultural.
– Instalación de 240 m2 de pantallas acústicas.
A inversión nestas medidas de integración ambiental alcanza os 1,8 millóns de euros.
A Autovía do Cantábrico A-8 en Galicia
Coa construcción da A-8 autovía do Cantábrico preténdese canalizar o importante tráfico de largo e medio percorrido que discurre polo norte peninsular, dende Galicia ata o País Vasco, abrindo unha nova vía de comunicación segura, moderna e eficaz para as comunicacións nacionais e internacionais, substituíndo á actual N-634 de San Sebastián a Santiago de Compostela.
Trátase dunha infraestrutura clave para a conexión de Galicia coas redes transeuropeas de transporte e a cornixa Cantábrica, discorrindo o itinerario galego na súa totalidade a través da provincia de Lugo, entre as localidades de Ribadeo e Baamonde.
O tramo galego da autovía do Cantábrico conecta directamente coa Autovía do Noroeste (A-6) en Baamonde, e a través dela, coa Autopista do Atlántico (AP-9), coa Coruña, Santiago de Compostela, Pontevedra, Vigo e Portugal a través do itinerario IP-1 (Oporto, Lisboa). Tamén conecta con Ferrol a través da autovía autonómica AG-64 Ferrol-Vilalba e con Lugo a través da propia A-6.
*Foto: Conchi Paz.
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
