Santiago, 07 de febreiro de 2014.- O voceiro do Mar do Grupo Parlamentario Popular, Jose Manuel Balseiro, salientou a importancia que para os profesionais do mundo da pesca terá o programa no que traballa o Goberno galego de cara a avaliación de novos sistemas de prevención de riscos laborais nos buques de baixura.
O parlamentario popular subliñou a significación desta actuación xa que o sector das artes menores en Galicia ocupa a máis de 7.500 persoas e representa unha facturación entorno a 69,2 millóns de euros. Incluído o marisqueo, a pesca de baixura en Galicia consta de máis de 4.500 embarcacións o que da mostra da amplitude do novo estudo a desenvolver.
ESTUDO MÁIS AMPLO
Balseiro indicou que o obxectivo perseguido polo Goberno galego é elaborar novas ferramentas que sirvan para mellorar as condicións de traballo no sector pesqueiro. Por iso este estudo será moito máis amplo dos que se realizan de xeito habitual e abranguerá todos os riscos identificados, é dicir, que ademais dos de seguridade, incluirá unha avaliación pormenorizada dos riscos hixiénicos, ergonómicos e psicosociais que afectan aos profesionais deste sector no exercicio das súa actividade laboral.
Balseiro tamén indicou que no estudo, ademais de incluír a persoas que realizan o seu traballo a bordo de barcos, tamén haberá un apartado específico a outras que non precisan embarcarse e que forman parte de diversos colectivos: uns dedicados a realizar actividades vinculadas ás tarefas que se realizan nos buques, tales como a descarga do peixe, o seu procesamento e comercialización, a reparación e fabricación de redes e a xestión nas confrarías que os representan; e outros ocupados en actividades de marisqueo ou acuicultura.
En resume, o novo estudo establecerá medidas de protección ligadas ás condicións de traballo destes profesionais e ás consecuencias que os seus desempeños laborais teñen sobre a súa saúde.
COMUNIDADES DO CANTÁBRICO
O deputado popular indicou que a Xunta de Galicia, lidera este proxecto, a través do Instituto Galego de Seguridade e Saúde e de xeito conxunto co resto das comunidades do Cantábrico: Asturias, Cantabria e País Vasco.
Cómpre subliñar que no marco xeral de colaboración e intercambio de experiencias xa se desenvolveron varios traballos en anos anteriores, nomeadamente as tres entregas da Guía da vixilancia da saúde e a avaliación de riscos ergonómicos no sector pesqueiro.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
