Este martes 11 de febreiro comeza a súa andaina na aula de familia da Casa da Cultura a Escola de Columna que foi presentada este luns pola concelleira de Sanidade e Servizos Sociais, Diana Durán, polo alcalde, José Mª González Barcia, e polo Doutor Knapp, que hai anos desenvolveu técnicas que aumentaron a eficacia dalgúns tratamentos para os dolores de costas xa empregados con éxito en Alemaña.
En total son 50 as persoas que se beneficiarán desta Escola de Columna repartidas en cinco grupos. As clases mañá serán de 8:15 a 9:15 horas, de 9:15 a 10:15 horas e de 10:15 a 11:15 horas. Xa o mércores terán lugar de 19 a 20 horas e de 20 a 21 horas.
O salón de actos da Casa do Concello enchéuse de xente para escoitar ao Doutor Knapp. Persoal do seu equipo viaxará máis adiante a Burela para realizar un seguimento dos cursos que se impartirán. Diana Durán lembra que “con esta nova iniciativa social igualámonos a dúas grandes cidades galegas: A Coruña e Santiago, que tamén ofrecen este programa de carácter terapéutico e preventivo e no que se educa para tonificar a musculatura das costas. Trátase dunha selección moi especial de execicios que procuran rehabilitar as estruturas que máis sufriron a falta de movemento”.
A presentación e charla da mañá deste luns foi un éxito, segundo a concelleira de Sanidade e Servizos Sociais.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
