Nota de Prensa
O GPPP pide que a Deputación apoie o acordo do Concello de Burela sobre o cambio de trazado da autovía Barreiros-San Cibrao
• Os populares lembran que o acordo burelés adoptouse por unanimidade
Lugo, a 29 de xuño de 2009.- O Grupo provincial do Partido Popular presentou hoxe, con carácter de urxencia, unha moción para que a Deputación apoie o acordo adoptado polo Pleno do Concello de Burela no ano 2006 solicitando que a autovía de enlace entre Barreiros e San Cibrao transcurra polo sur do municipio, dado que non afecta a núcleos de poboación e consecuentemente evitaríase unha afectación importante no concello que podería imposibilitar o seu desenvolvemento futuro.
Os populares consideran que eses son motivos sobrados para que a Deputación lle demande a Fomento que atenda as peticións do concello burelés. A moción preséntase con carácter de urxencia dado que a vindeira sesión plenaria da Deputación estaría fóra do prazo de presentación de alegacións ante o Ministerio de Fomento no que se refire á información pública do estudio informativo e de impacto ambiental.
Desde o GPPP, faise constar que esta mañá o voceiro adxunto dos populares, José María González Barcia, contactou co alcalde de Burela para informalo sobre a presentación desta moción.
Os populares confían en que a súa moción sexa aceptada polos restantes grupos políticos. Así, na súa exposición de motivos indícase que o pasado día 23 de xuño o Boletín Oficial do Estado publicaba o anunción de exposión pública do estudio informativo e o estudio de impacto ambiental da EI-1-LU-07, “Autovía de conexión entre San Cibrao e Barreiros” no que se establecía que o prazo para a presentación de alegacións é de trinta días.
Dito estudio informativo contempla catro alternativas, e no que se refire ó Concello de Burela e ó seu termo municipal, a alternativa proposta polo Ministerio de Fomento transcurre en boa parte paralela á actual variante, a unha distancia media de oitenta metros, desviándose logo hacia o sur, pero impedindo un futuro desenvolvemento deste concello precisamente nesa dirección, dada a afectación que marca a propia natureza do vial. Tanto é así, que a proposta choca frontalmente co acordo plenario de indicado Concello celebrado o día 30 de marzo de 2006 no que se decidiu, textualmente, que:
O Pleno da Corporación, por unanimidade de tódolos concelleiros, reunindo o quórum da maioría absoluta do número legal de membros da Corporación, acorda, ó abeiro do disposto no artigo 51.1 do Real Decreto Lexislativo 781/1986, polo que se aproba o Texto Refundido das Disposicións Legais vixentes en materia de Réxime Local, declara-la urxencia e entrar no debate e votación do seguinte asunto:
PROPOSTA FORMULADA POLOS GRUPOS POLÍTICOS MUNICIPAIS DO P.P., PSdeG-PSOE, BNG E MIXTO-CDS, DO CONCELLO DE BURELA ACERCA DO “ESTUDIO INFORMATIVO: NUEVA CARRETERA DE CONEXIÓN ENTRE SAN CIPRIAN Y BARREIROS. PROVINCIA DE LUGO”.-
Pola Alcaldía dáse lectura á proposta epigrafiada, cuio tenor literal é o seguinte:
“Os grupos políticos que conforman a Corporación Municipal de Burela PP, PSdeG-PSOE, BNG e Mixto-CDS, ante a solicitude formulada polo Ministerio de Fomento de información que poida aportar o Concello que sexa de utilidade para a redacción do ESTUDIO INFORMATIVO: NUEVA CARRETERA DE CONEXIÓN ENTRE SAN CIPRIAN Y BARREIROS. PROVINCIA DE LUGO, á vista do informe do Técnico Municipal D. Miguel Angel Ceniceros López, á vista tamén da planimetría onde se indican os emprazamentos das instalacións existentes e previstas, propoñen que por parte da Corporación Municipal de Burela, en sesión a celebrar o vindeiro xoves, día trinta do presente mes de marzo, se adopten os seguintes ACORDOS:
1.- Adherirse ó informe do Técnico Municipal e solicitar do Ministerio de Fomento que o trazado da nova carretera pase polo sur das instalacións existentes e previstas, referenciadas no plano escala 1/8000 adxunto ó informe do Técnico.”
O Pleno da Corporación, por unanimidade, acorda:
Adherirse ó informe do Técnico Municipal e solicitar do Ministerio de Fomento que o trazado da nova carretera pase polo sur das instalacións existentes e previstas, referenciadas no plano escala 1/8000 adxunto ó informe do Técnico.
No estudio informativo que se somete a información pública consta como alternativa unha que se ciñe bastante á proposta feita no seu día polo propio Concello de Burela e que non afecta a núcleos de poboación ou lugares habitados de outros concellos.
Ante a publicación no BOE do indicado anuncio de exposición pública, o Pleno de Burela ratificou este mesmo acordo con carácter de urxencia en sesión ordinaria celebrada o pasado xoves, día 25 do presente mes.
Por eso, e tendo en conta que a proposta que defende a Corporación Municipal de Burela non afecta a lugares habitados, e non hai condicionantes de carácter ambiental, é polo que se propón a adopción do seguinte acordo:
Apoiar o acordo adoptado polo Pleno da Corporación Municipal de Burela e dirixirse ó Ministerio de Fomento para que atenda as peticións do Concello de Burela.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
