A Mariña, 18 de febreiro de 2014.- A CIG-Ensino denuncia que centros de ensino da Mariña non están podendo acollerse ao cambio de xornada lectiva porque a Consellaría está denegándollelo. O motivo polo que a Consellaría llelo denega é atribuído a un incremento do custo no servizo de transporte cando en moitos dos casos non supón tal incremento ao non existir variación de horario ou percorrido nin necesitar máis autobuses. Neste caso están moitos centros de Primaria de todo o país. Na Mariña está ocorrendo en centros como Ceip O Cantel de Foz, Ceip Gregorio Sanz de Ribadeo ou o Ceip Fondo-Nois de Foz pero tamén sucederá na práctica totalidade de centros que iniciaron ou inicien o proceso de modificar a xornada lectiva.
No ano 2010, a Consellaría de Educación subscribe un contrato coas empresas que viñan prestando o servizo de transporte escolar. Resulta sorprendente e rechamante que no contrato da Consellaría coa patronal do transporte se fixe unha cláusula que estabelece que, de xeito xeneralizado, se incrementará o custe do contrato nun 20% no caso de que o centro se acolla à xornada continuada. Esta cláusula inxustificada e totalmente abusiva está a supor un obstáculo insalvable para moitos centros para poder mudar de xornada partida a intensiva, pois automaticamente o transporte ampliaría a súa facturación un 20%, aínda que o custe do servizo, na realidade, sexa menor ou idéntico ao producido pola xornada partida.
Esta cláusula leva a que haxa diferentes centros que- como sucede nos casos nomeados- unha vez levado a cabo o proceso establecido e cumprindo os requisitos para mudar a xornada intensiva, se atopen co rexeitamento das Xefaturas territoriais da Consellaría de Educación, debido a que teñen que facer fronte a un gasto dun 20% máis, malia que os itinerarios, as paradas e o número de autobuses son os mesmos que os fixados para a xornada partida.
Como se pode observar, estamos ante un feito gravísimo e abusivo, amais de tramposo e inaceptábel, que só se pode explicar pola submisión da Consellaría aos intereses da patronal do transporte que procura acrecentar máis os seus beneficios sen mellorar nin ampliar o servizo.
A CIG-Ensino exixe á Consellaría de Educación que urxentemente anule este contrato coa patronal do transporte escolar, que está prorrogado, nin máis nin menos, até o 31 de decembro de 2020, por abusivo e fraudulento e tamén porque, na práctica, supón que sexa o transporte o que fixe os horarios e a xornada dos centros educativos, impedindo a aplicación do tipo de xornada decidida polo centro.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
