LUGO, 18 DE FEBREIRO.- Os Alcaldes socialistas mantiveron este martes unha reunión de traballo na sede do Partido para achegar posturas con respecto á Lei de reforma da Administración Local, aprobada polo Goberno Central. Neste senso, os Rexedores, xunto co secretario de Política Municipal –Álvaro Santos- acordaron que, antes do 28 de febreiro, presentarán un recurso de conflito ante o Tribunal Constitucional, ó considerar que dita normativa vulnera a autonomía dos Concellos, pois afecta, entre outras cuestións, ós servizos mínimos obligatorios, “o que podería provocar que estes pasen a mans privadas e lles custen máis aos usuarios. É dicir, o único que persegue é reducir e eliminar os servizos públicos, fomentando a privatización”.
Deste xeito, o secretario de Política Municipal e deputado provincial subraia que, os Concellos nos que goberna o Partido Socialista, “imos a combater con todas as ferramentas que temos ao noso alcance esta contrarreforma impulsada polo Ejecutivo de Mariano Rajoy porque non só é inxusta, senón que atenta contra a igualdae dos cidadáns en función de donde vivan”.
“Somos profundamente municipalistas”
A este respecto, engade: “somos profundamente municipalistas e non imos permitir o estangulamento ao que está sometendo o PP aos municipios”, baseado nos efectos que terá a aplicación da reforma, que impedirá que os cidadáns accedan en igualdade de condicións ós servizos públicos municipais.
Os prazos legais impoñen que o acordo debe ser aprobado nos Plenos locais antes do 28 de febreiro. Posteriormente, o Consello de Estado terá que emitir un informe, e xa antes do 28 de marzo (cando se cumpre o prazo legal de tres meses da aprobación da lei) este será abordado polo Alto Tribunal.
Invade as competencias locais
O recurso denuncia que a Lei de racionalización e sostibilidade da Administración Local invade as competencias locais, vulnera a autonomía municipal, impón unha subordinación dos Concellos ás Deputacións e, sobre todo, ó Ministerio de Facenda. Asimesmo, establece unha diferenza arbitraria entre os municipios, segundo teñan máis ou menos de 20.000 habitantes.
Negan que o axuste teña razóns orzamentarias
Os Alcaldes socialistas da provincia negan que o axuste teña razóns orzamentarias, xa que, no momento de presentar a Lei, os Concellos sumaban unha débeda de 30.000 millóns de euros en todo o Estado; ”unha factura ridícula en comparación coa das autonomías e do Goberno Central”. Ademais, 10.000 millóns desa débeda corresponden só a Madrid, que sumou 8.000 baixo a Alcaldía de Gallardón, e a Valencia; as dúas Comunidades gobernadas, precisamente, polo Partido Popular.
“Escúdanse na eficiencia e na sostibilidade cando a débeda dos Concellos é do 4%, tendo en conta, ademais, que desta porcentaxe máis do 1% correspóndelle só o de Madrid. Por tanto, municipios como os lucenses non os os culpables, non son os responsables do incremento da débeda pública, xa que prestan servizos de gran eficiencia económica e social”, destaca Álvaro Santos.
Co pretexto de paliar a débeda das administracións, ademais de eliminar competencias ós Concellos, tampouco simplifica o entramado administrativo, xa que deixa sen cobertura xurídica a prestación de servizos consolidados ó longo dos últimos anos cunha gran demanda social: medio ambiente, xuventude, infancia, inmigración, muller, cultura, terceira idade, axuda domiciliaria, vivenda, escolas infantís ou bandas de música.
Retira servizos ós cidadáns e destruirá emprego
Concremente, retira ás entidades locais competencias en materia de Educación e Benestar Social, o que afectará a moitos usuarios e causará a perda de centos de postos de traballo. Pero é que ademais, afirman os Rexedores lucenses, non ofrece solucións, é dicir, “non ofrece recursos a quenes teñen que asumir estas competencias, as Deputacións e as Comunidades, pero en cambio si que crea un grave problema á cidadanía que queda sen estes servizos”.
As entidades locais, subliñan, “son hoxe en día o último colchón onde caen os cidadáns, e o que pretenden facer con nós non é racionalización, pois a normativa tamén ilegaliza axudas ó estudo e ó transporte escolar e anula o artículo 28 que permite que colaboremos con outras administracións”.
A política do Partido Popular é “asfixiar aos Concellos e subir os impostos”. Por este motivo, consideran que “estamos ante a agresión máis brutal á autonomía local nunca antes levada a cabo por ningún goberno”.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
