Lugo 20 de febreiro de 2014.- O Grupo Provincial do Partido Popular levará á próxima sesión plenaria unha moción na que reivindica unha maior implicación por parte de Gómez Besteiro cos concellos tralos danos sufridos pola sucesión de temporais que sacudiron Galicia nos últimos meses.
A voceira do PP na Deputación de Lugo, Elena Candia, acompañada de deputados provinciais, deu a coñecer esta mañá a presentación desta iniciativa baseada en que a razón fundamental da existencia dunha Deputación é a de cooperación, asistencia e axulio aos concellos máis pequenos.
A popular explicou que as inclemencias meteorolóxicas afectaron a infraestruturas das distintas administracións públicas, o que implica un esforzo engadido e imprevisible, cunha especial incidencia nos Concellos, que non só actuaron nas súas vías, senón tamén nas de titularidade provincial –limpeza de árbores sobre a estrada, de cunetas…-.
Así, a popular reincidiu en que a administración provincial en base as súas competencias e en alusión aos principios constitucionais de solidariedade, debe impulsar accións conxuntas que permitan a recuperación e reparación dos prexuízos xerados polo mal tempo.
A petición concreta dos populares é que Besteiro se implique cos concellos, tralos danos ocasionados pola sucesión de temporais que sacudiron á provincia e habilite, neste senso, unha liña de axudas á disposición das administracións locais.
A través desta proposta os populares pretenden aminorar a falta de colaboración que a Deputación de Lugo profesa cunha gran maioría dos concellos da provincia. “Só pedimos maior compromiso de Gómez Besteiro, tal e como están a demandar os alcaldes, que teñen no fronte a administración provincial galega co peor Plan de Obras e Servizos, que incumpre en benestar ou que reduce as transferencias de capital a concellos nun 53%”, enumera a popular.
“Non estamos a falar de colaborar na xestión de emerxencias, senón de colaborar na reparación dos danos que se produciron en espazos tanto da súa titularidade como de titularidade provincial”, matiza Candia, “unha responsabilidade que está dentro das súas competencias”.
Reparación das estradas provinciais
A moción presenta unha segunda vertente na que os populares instan á Deputación de Lugo para que impulse un plan destinado a avaliar os danos ocasionados en infraestruturas da súa titularidade e proceda á reparación de cada un dos estragos, permitindo así a plena recuperación das infraestruturas danadas no menor tempo posible.
As agresivas inclemencias meteorolóxicas vividas durante os últimos meses empeoraron a situación na que se atopaban as estradas de titularidade provincial, en cuxa función de mantemento “o equipo de goberno da Deputación suspende, por carencias na renovación do firme, bacheado de maneira xeralizada, por non realizar tarefas básicas de conservación ou por só repoñer as caídas de muros e terrapléns en casos moi especiais”.
Esta situación provoca reiteradas solicitudes de alcaldes para a adecuación das vías, o que levou aos populares a urxir unha mellora nestas actuacións, xa que o mal estado das vías non se debe a falta de orzamento, senón á falta de xestión do bipartito lucense.
Por último, os populares tamén piden que a Xunta de Galicia e o Goberno Central avalíe e repare os danos nas obras da súa titularidade, un proceso que segundo lles consta aos populares, xa teñen iniciado dende as dúas administracións. De igual maneira, o PP tamén solicita que se manteña activo o dispositivo de emerxencia, de persistir as condicións climatolóxicas adversas ou o risco de novas alertas.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
