RIBADEO (FNC) .- Mari Luz Álvarez Lastra, concelleira de Cultura do Concello de Ribadeo, anunciou esta mañá que a Escola Municipal de Música e Danza de Ribadeo permanecerá aberta durante todo o mes de xullo co principal obxectivo de que non exista un parón nas súas actividades.
A concelleira sinalou que “se organizarán diferentes cursiños sobre percusión, saxofón, clarinete, música tradicional e tamén un taller de informática para arranxar partituras. Os participantes gozarán cada semana dun curso diferente e protagonizarán actuacións durante o mes de agosto”, e engadiu que “os cursiños non irán orientados só aos nenos senón que toda a familia, nais, pais e nenos poderán gozar deles, para, desta maneira, compartir o gusto pola música e poder axudar aos fillos ao longo do curso escolar”.
A partir do día de hoxe e durante toda a semana os interesados poderán acudir á Escola de Música para consultar toda a información que precisen, para atendelos, os profesores encargados destes cursiños estarán na escola de 11 da mañá a 1 da tarde.
Álvarez Lastra afirmou que “haberá prazo de inscrición e unha pequena cuota para apuntarse a estes obradoiros” e explicou que “non haberá limite de idade para participar pero que sí se esixirán uns coñecementos mínimos”.
Os cursos darán comezo xa a partir do próximo luns día 6 de xullo. A 1ª Xornada Músico-Cultural Ribadeo que así é como se denomina este programa contempla as seguintes actividades:
-13 a 17 de xullo: audicións activas da música clásica.
-20 a 24 de xullo: audicións activas da música do século XX.
-13 a 17 de xullo: cursiño de informática musical.
-6 a 10 de xullo: taller de música tradicional.
-13 a 17 de xullo: cursiño para pais e fillos de percusión.
-20 a 24 de xullo: cursiño de reparación e mantemento do clarinete/frauta.
-13 a 17 de xullo: curso de guitarra – taller de acompañamento.
-20 a 24 de xullo: curso de guitarra – taller Melódico
-27 a 31 de Xullo Encontro de Orquestra e Saxofóns
-13 a 17 de Xullo Encontro de Grupo de Clarinetes.
-27 a 31 de Xullo Encontro de Música de Cámara.
O prezo dos cursos e obradoiros será de 10 euros para os participantes matriculados na E.M.M.eD. de Ribadeo e de 15 euros para os participantes externos. O prazo de inscrición está aberto desde hoxe e ata o venres anterior ao de celebración do cursiño correspondente.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
