O Burela FS Pescados Rubén non puido completar esta tarde a xesta dos tres puntos antes de recibir o parón ligueiro. O conxunto laranxa mantivo o equilibrio na difícil pista do novel Montesinos Jumilla FS ata a metade do segundo período, aínda que a expulsión de Matamoros, unida ás baixas con que viaxou, o condicionaron en exceso para afrontar o tramo final con garantías (6-2). Este resultado mantén os de Juanlu na oitava praza (30 puntos) a tres da sétima, custodiada polo Ríos Renovables que venceu ao Pozo (3-2), e avantaxando en 1 ao Montesinos.
Murcianos e galegos viviron unha xornada moi equilibrada na primeira parte na que os goles se resistiron ata rozar o ecuador; o Burela FS escados Rubén estivo ben ordenado en defensa, aínda que con problemas na saída de balón, fronte a un Montesinos Jumilla FS máis intenso en presión. Ao 1-0 de Josiko (minuto 19), o conxunto mariñán reaccionou co pasaporte do seu pichichi, Matamoros, para recibir o tempo de descanso con empate.
A escuadra laranxa volveu á pista máis enchufada. Aínda que as primeiras chegadas estiveron nos pés dos laranxas, foi o Jumilla no que atopou de novo primeiro a diana, no minuto 28, de Suazo. Poucos segundos despois, malia a expulsión de Mata, que recibiu a segunda amarela, o Burela FS conseguiu igualar a contenda, nas zapatillas de Burrito. Con 2-2, o equipo de Juanlu intentou manter o electrónico en táboas, pero no último segundo da inferioridade numérica chegou o mazazo para os galegos, co 3-2 de Ique (minuto 31), que se ampliou no 32, con Baca. Os mariñáns, moi danados pola ausencia de Mata unida ás baixas de Christian e Hugo, intentaron reaccionar con xogo de cinco a falta de pouco máis de catro minutos, con Mimi como estandarte; logo dun par de ocasións con perigo sobre a meta murciana, o Jumilla non desaproveitou as súas oportunidades a porta baleira, distanciándose no marcador ata 6-2 (minutos 38 e 39), coa firma de Pizarro e Chino.
Copa Galicia
O Burela FS Pescados Rubén recibirá o vindeiro mércores, 12 de marzo, o Azkar Lugo en semifinais da XXIII Copa Galicia. Vista Alegre acollerá o encontro a partir das 20.30 horas. Para os socios laranxas a entrada será gratuita; a venda anticipada para non socios estará dispoñible na sede do club burelista ata o mércores ao mediodía (avenida Arcadio Pardiñas, número 91, baixo): adultos-12 euros, menores de 18 anos-2 euros.
Ficha técnica
Montesinos Jumilla FS: Chico, Lolo Suazo, Pizarro, Pichi, Rober, no cinco inicial; tamén xogaron Ángel, Baca, Christian, Ique, Josiko, Chino
Burela FS Pescados Rubén: Álex, Mimi, Burrito, Isi, Matamoros, no cinco inicial; tamén xogaron Iago Míguez, Juanma, Carlitos, Antoñito
Goles: 1-0,minuto 19, Josiko; 1-1, minuto 19, Matamoros; 2-1, minuto 28, Suazo; 2-2, minuto 29, Burrito; 3-2,minuto 31, Ique; 4-2, minuto 32, Baca; 5-2, minuto 38, Pizarro; 6-2, minuto, 39, Chino
Árbitros: Cuesta Sánchez // García Morón
Tarxetas: Por Montesinos amarelas a Josiko (minuto 26) e Pizarro (minuto 32). Por Burela FS dobre amarela e expulsión a Matamoros (minutos 18 e 29) e amarela a Iago Míguez (minuto 36)
Incidencias: Partido correspondente á 24ª xornada de Primeira División LNFS
Este lume comezou o pasado mércores ás 13,35 horas e afectou finalmente unha superficie de 31,5 hectáreas de monte arborado. Para a súa extinción mobilizáronse, en total, 2 técnicos, 13 axentes, 27 brigadas, 24 motobombas, 3 pas, 3 helicópteros e 2 avións. 
Félix Jorquera pasou polos micrófonos de RadioVoz no Barco Museo Boniteiro Virxe do Carme ao concelleiro de Mar, Ramiro Fernández; á presidenta de Ledicia (entidade organizadora), Rocío Rivera; ao presidente da Fedaración estatal de confraría de pescadores, Basilio Otero; ao xerente de Expomar, José Manuel González; ao membro de Fanto Fantini (entidade organizadora do Festival Osa do Mar), Diego Campo; á pregoeira Paula Jorge Hora; ao cociñeiro Bruno Pena e á alcaldesa e Presidenta da Deputación, Carmela López.
O obxectivo deste aviso é que a cidadanía coñeza esta circunstancia con antelación e, especialmente, que as persoas con sensibilidade aos ruídos, así como as persoas propietarias de animais de compañía, poidan adoptar as medidas que consideren oportunas. O Concello agradece a comprensión e a colaboración durante estes días de celebración.
A obra, dirixida por Pepablo Patinho e preparada por rapaces de 10 a 14 anos ao longo do curso, servirá de antesala ao certame e permitirá visibilizar o labor formativo da Escola e o compromiso de Cariño co teatro desde idades temperás. O Concello anima á veciñanza e visitantes a asistir a esta cita que marca o inicio dunha nova edición na que o teatro volverá situar a vila como referente cultural galego.
Autoridades autonómicas, municipais e representantes da Apehl acompañaron o anuncio. O estand da marca estará na zona VIP da saída de cada etapa, onde se ofrecerán petiscos con produtos lucenses e material promocional, incluída a guía turístico-gastronómica. Cheché Real destacou a continuidade do proxecto e agradeceu o apoio institucional. A acción conta coa colaboración de numerosos consellos reguladores, entidades agroalimentarias e empresas da provincia.
Desde a entidade explican que “con este paso estratégico, la firma busca integrarse activamente en el tejido económico del municipio y colaborar de forma estrecha en la promoción de un modelo de turismo sostenible, desestacionalizado y respetuoso con el entorno natural…”. Engaden que “creemos que para proteger nuestro entorno primero debemos aprender a amarlo” e que “nuestra incorporación a ACISA representa una oportunidad idónea para crear sinergias con la hostelería, el comercio y los servicios locales”. Tamén sinalan que “la adhesión a la patronal ribadense refuerza el compromiso de la empresa con la calidad turística planificada de la zona”. Máis información en 
O evento reunirá artistas e agrupacións que representan a tradición musical da zona, nunha xornada pensada para reivindicar a historia sonora do Val e o legado das súas xeracións de músicos. A programación inclúe un obradoiro musical gratuíto para nenos de 5 a 12 anos, unha mesa redonda moderada polo escritor Lionel Rexes e unha ampla quenda de concertos con participación de intérpretes e grupos vinculados ao territorio. Durante todo o festival poderá visitarse a exposición fotográfica Aquí segue soando a música, que recolle imaxes antigas e actuais para mostrar a evolución musical da comarca desde comezos do século XX ata hoxe. A iniciativa conta coa colaboración do Concello do Valadouro, o Concello de Alfoz, a Xunta de Galicia, a Deputación de Lugo e o CENTRAD.
