A Asociación Cultural Casa das Letras de Ribadeo ven de ser incluída no Rexistro de Entidades de Promoción do Camiño de Santiago co número 202.
Entre os fins fundacionais da Asociación figura, de xeito expreso, a contribución á posta en valor das rutas xacobeas, facendo fincapé no Camiño do Norte.
De todos é coñecido que, dentro da súa programación de actividades, ocupa un lugar importante a promoción do Camiño de Santiago; así, nos últimos meses organizouse un ciclo de 5 conferencias que, baixo o título xenérico de XORNADAS DO CAMIÑO DE SANTIAGO, permitiu achegar aos ribadenses e visitantes os aspectos máis salientables do Camiño Norte no País Vasco, Cantabria, Asturias e Galicia, así como o Camiño Primitivo na nosa Comunidade Autónoma. Foron impartidas por especialistas nas rutas xacobeas: Juan Ramón Fernández Pacios (O Camiño Norte en Galicia), Laureano García Díaz (O Camiño Norte en Asturias), Ricardo Polín (O Camiño Primitivo en Galicia) e Carlos Mencos (O Camiño Norte no País Vasco e Cantabria).
Pechará o ciclo o que foi Director do Centro de Estudos Galegos en Oxford, peregrino e ben coñecedor da Ruta Xacobea, John Rutherford.
Tamén en relación coa promoción do Camiño de Santiago, organizamos a presentación da “Guía del Camino del Norte” do periodista e director da Editorial Buen Camino, Carlos Mencos. Esta publicación (a mellor guía completa do Camiño Norte en todo o seu percorrido pola cornisa Cantábrica) xunto coa páxina web do mesmo autor (www.jacobeo.net) son a auténtica referencia para os peregrinos que pretenden facer esta ruta xacobea.
Por outra parte, a finais do ano 2013 acadouse un acordo coa S.A. de Xestión do Plan Xacobeo de facer un CADERNO DE VIAXE adicado a todas e cada unha das 8 rutas xacobeas recoñecidas oficialmente en Galicia; o día 5 de decembro presentouse o que corresponde ao CAMIÑO DO NORTE. Na actualidade xa estamos a traballar no caderno correspondente ao CAMIÑO PRIMITIVO.
Ademáis da promoción do Camiño de Santiago, a Asociación Cultural Casa das Letras segue desenvolvendo o proxecto CADERNOS DE VIAXE. En agosto de 2013 presentamos a primeira destas publicacións adicada a Ribadeo e con unha magnífica acollida.
Nestos momentos estamos a traballar, ademáis dos relativos aos Camiños de Santiago en Galicia, nun Caderno de Viaxe adicado A Mariña que verá a luz nos vindeiros meses. Cabe destacar que será prologado pola poetisa e académica mariñana LUZ POZO GARZA.
Paralelamente, estamos empezando a dar os primeiros pasos na procura doutro CADERNO DE VIAXES adicado a Viveiro.
Para este ano 2014 estamos coordinando unha actividade que para nós ten un significado especial e no que tratamos de involucrar a diferentes administracións e entidades que poidan facer realidade un programa de actividade o máis completo posible para que os ribadenses poidamos celebrar, como él se merecía, o CENTENARIO do nacemento de DIONISIO GAMALLO FIERROS. É de destacar a colaboración esencial e necesaria da Familia Gamallo.
E tamén estamos a deseñar un programa no que haberá conferencias, publicacións e exposicións que se desenvolverá no vindeiro mes de agosto.
As persoas que non puideron obter a súa entrada durante o período de reserva anticipada poderán recoller as entradas restantes o propio día da función, mércores 5 de agosto, a partir das 20:00 horas, na taquilla do Teatro Pastor Díaz. A entrega realizarase ata completar a capacidade do recinto, cun máximo de catro entradas por persoa. O Concello de Viveiro agradece a excelente acollida que está a ter esta representación e lamenta as molestias que esta situación poida ocasionar.
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
Arxentina de nacemento e viveirense de corazón, retomou en Galicia a súa vocación artística e atopou na escultura a súa forma de expresión. A súa obra céntrase en figuras humanas cargadas de emoción, en soidade ou en relación cos outros. A exposición reúne pezas seleccionadas e premiadas en certames de Madrid, Barcelona, Valdepeñas e Florencia nos últimos oito anos, que agora regresan —como a súa autora— á casa. Poderá visitarse ata o 29 de agosto.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
