A delegada territorial da Xunta, Raquel Arias, destacou que case un terzo dos concellos da provincia de Lugo (20 en total) participarán a través do programa Cultura no Camiño 2014 nunha ampla programación de espectáculos galegos entre o 15 de abril e o 30 de setembro deste ano. Esta iniciativa está impulsada pola Consellería de Cultura, Educación e Ordenación Universitaria e a Axencia Turismo de Galicia.
A delegada referiuse ao enfoque dinamizador que posúe este programa para as vilas xacobeas. Na súa opinión, Cultura no Camiño 2014 contribúe a complementar a actividade cultural durante a primavera e o verán, “unha época extraordinaria para coñecer Galicia, para redondear a estadía entre nós con ofertas culturais atractivas”.
Así mesmo, Arias subliñou “o carácter descentralizador desta iniciativa” na procura de compartir a oferta cultural galega co maior número de cidadáns posible. Neste caso, achégase ao público de concellos polos que discorren os diferentes camiños a Santiago e que, como explicou a delegada, “non adoitan formar parte dos circuítos habituais de distribución escénica e musical”.
“Con esta mesma prioridade –engadiu– búscase tamén impulsar a permanencia das programacións culturais máis alá dos períodos comúns, así como a variedade nas súas carteleiras tanto desde o punto de vista dos xéneros que abranguen como dos espectadores de todas as idades aos que se dirixen”.
Ampla aceptación
A proposta para participar neste programa de actividades, inserido na conmemoración do VIII Centenario da Peregrinación de San Francisco de Asís a Compostela, obtivo deste xeito unha importante aceptación por parte dos municipios lucenses, ao igual que sucedeu no resto da comunidade, na que un total de 86 concellos se sumaron á iniciativa.
De feito, como valorou Arias, a elevada cifra de concellos interesados na presente edición de Cultura no Camiño facilitou que se incrementase en seis concellos lucenses máis o número de destinos participantes con relación a anterior edición do programa, subindo de 14 a 20 o número de municipios participantes nesta provincia.
Así, vertébrase nun novo e extenso circuíto de distribución de producións escénicas e musicais galegas a programación neste eido na provincia, empregando para elo as distintas rutas xacobeas que a cruzan: Camiño Francés, Camiño de Inverno, Camiño Primitivo e Camiño do Norte.
Variedade de estilos
As localidades participantes acollerán concertos de diversos estilos, así como funcións de teatro, danza, narración oral, maxia e novo circo nun intenso calendario de actividades coordinado por Cultura e Educación, a través da Agadic (Axencia Galega das Industrias Culturais), en colaboración con Turismo de Galicia como entidade encargada de organizar e executar a celebración xeral do Ano Franciscano.
Todos os espectáculos teñen que ser producidos e distribuídos por asociacións culturais, sociedades civís, mercantís ou empresarios individuais con sede na comunidade autónoma galega.
A programación concreta, que se dará a coñecer proximamente, resultará da suma das seleccións realizadas polos programadores locais a partir da oferta de espectáculos e concertos inscritos para este fin, procedemento actualmente en trámite.
Financiamento compartido
O financiamento deste programa realízase de xeito compartido entre a Xunta de Galicia e as administracións locais seguindo criterios de poboación. Así, para concellos de máis de 20.000 habitantes, a Consellería de Cultura e Turismo de Galicia achegarán o 40% dos importes dos cachés; en tanto que para os concellos de menos de 20.000 habitantes, a Administración autonómica asumirá a metade dos custos. Estas cantidades serán aboadas directamente a cada compañía ou grupo.
Os concellos participantes deberán programar un mínimo de tres actuacións, preferentemente en fins de semana e sempre fóra do horario escolar. Ademais, nas programacións deberán estar presentes polo menos dúas das cinco disciplinas ofertadas (teatro, circo, danza, música e maxia).
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
