Mondoñedo, 11 de marzo de 2014.- O Partido Popular de Mondoñedo preguntaralle no próximo pleno municipal ao alcalde, o nacionalista Orlando González, se emprendeu as xestións oportunas dirixidas a garantir a seguridade viaria na estrada coñecida como a Calzada, no lugar de Coto de Otero, parroquia do Carme.
Dende o Partido Popular de Mondoñedo explican que moitos automobilistas, dado ao menor número de quilómetros, optan dende a saída da Autovía en Lindín, por baixar a Mondoñedo a través da Calzada, no lugar de facelo pola LU-124
Este feito está a provocar que a Calzada soporte unha importante afluencia de tráfico que como consecuencia incrementa o risco para os viandantes e máis cando este treito se caracteriza por un trazado moi estreito e pendente, a maiores de discorrer entre vivendas localizadas ao seu carón.
Deste xeito, os populares trasladan esta pregunta atendendo así á preocupación dos veciños da parroquia do Carme; que viviron situacións de perigo incentivadas, en ocasións, pola excesiva velocidade á que baixan os vehículos.
Neste senso, o Concello de Mondoñedo é o responsable de velar pola seguridade dos veciños nesta estrada e debe levar a cabo as actuacións oportunas que garantan a seguridade nesta vía.
Os veciños xa lles trasladaron esta circunstancia que polo de agora non foi atendida, polo que queremos coñecer se iniciou algunha xestión para garantir a seguridade neste treito.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
