Santiago de Compostela, 12 de marzo de 14. O portavoz do Grupo Socialista, José Luis Méndez Romeu, acusou este mércores a Feijóo de responder ás peticións de traballo da flota de cerco “con pelotazos e agresións”. Así o dixo na sesión de control ao presidente da Xunta, na que responsabilizou ao presidente da Xunta das agresións aos manifestantes onte en Santiago.
Méndez Romeu dixo que o presidente da Xunta “claudicou” coa sinatura do goberno galego nun acordo da pesca de cerco “lesivo” para a flota galega. Dixo que a xestión nefasta do goberno galego exclúe a 115 barcos galegos, ameazando ás familias dos mariñeiros, e provocou que onte 3.000 deles protagonizaran unha protesta en Santiago na que foron “apaleados” polas forzas de seguridade.
O responsable socialista reclamoulle ao goberno galego que se reúna cos representantes da flota que estiveron onte no Parlamento de Galicia para reclamar contas por un acordo asinado polo goberno galego e que “favorece á minoría” en prexuízo da maioría da flota galega. Sinalou que “24 horas mais tarde seguen agardando que o goberno teña a delicadeza de atendelos e darlles resposta e solución da súa claudicación en Madrid”.
Acusou a Feijóo de “faltar á verdade cando esquece que a Consellería do Mar estaba na xuntanza de decembro en Madrid” na que deu a súa sinatura para un acordo en contra dos intereses da pesca galega. As actas das xuntanzas do goberno central coa flota de cerco evidencian que estivo un representante do goberno galego, que é o secretario de Mar, Juan Maneiro.
Claudicación
Méndez Romeu dixo que Feijóo claudicou coa pesca “como claudicaron na defensa dos intereses de Galicia co AVE” incumprindo o protocolo asinado co goberno central e o concello de Lugo en 2010 para “traer o ferrocarril e a estación intermodal”. O responsable socialista utilizou a sesión de control ao presidente para evidenciar a falla de autoridade de Feijóo á hora de facer valer os intereses de Galicia no goberno central.
Subliñou que “agora sabemos que dende hai 16 meses o convenio está adiado sen que foran informadas as autoridades de Lugo nin a sociedade”. Lembrou que o presidente da Xunta mesmo garantiu destinar fondos propios a esta infraestrutura, “tal e como comprometeu a conexión ferroviaria atlántica en 2014, e faltou á verdade en Lugo, tal e como faltou en Vigo”.
Esixiulle que reclame á ministra de Fomento o cumprimento do protocolo e acusouno de “permitir que o AVE sexa de vía única dende Olmedo”, cumprindo os compromisos de facer a estación intermodal e a de autobuses en Lugo.
O responsable socialista cuestionou a autoridade do presidente da Xunta en Madrid, como evidencia que Rajoy teña reducido unha cuarta parte o investimento do goberno en Galicia, dende os 1.220 millóns que investía anualmente o goberno socialista de Zapatero.
Lamentou que estas cifras coincidan coa liña do goberno galego, que pasou de investir 1.000 millóns de euros en 2008, baixo presidencia do PSdeG, aos 80 investidos por Feijóo, que no ano 2014 só foi quén de aumentalos a 160.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
Presidenta e xerente, Carmen Cruzado e Jesús Pérez, acudiron ao Teatro a escoitar a Pepe Conde, quen fora xefe do servizo de cirurxía do HULA e persoa moi vinculada a esta vila por motivos familiares. Co seu pregón arrincaron varios días festexos que rematarán o vindeiro martes, día da patroa. Cruzado e Pérez departiron cos responsables da comisión das festas minutos antes do inicio do pregón.
No acto tamén estivo o presidente de ACRUGA, César Dorado Pin, e outras autoridades. López destacou a importancia do certame e entregou os trofeos. A Granxa Gayoso Castro, situada en Castro de Rei, é un referente provincial pola súa labor de formación, investigación e apoio á recría de Rubia Galega en colaboración coa USC e ACRUGA.
A sesión incluirá a proxección da peza, de 27 minutos de duración, e un coloquio con Ugía Pedreira sobre música, saúde e outros temas. A obra forma parte da selección oficial do Barcelona Indie Filmmakers Festival (BARCIF) 2025 e a actividade está promovida por A Pomba do Arco.
O evento comezou cunha misa na igrexa parroquial de Santa María de Meira e a continuación, tivo lugar o tradicional xantar no Pavillón dos Deportes e o recoñecemento ao home e á muller de maior idade do municipio. Nesta xornada de convivencia, Fernández Méndez puxo en valor a contribución das persoas maiores á sociedade e enxalzou o seu papel activo no municipio, “é unha satisfacción compartir este día coas nosas persoas maiores, que tanto teñen achegado á sociedade e que merecen espazos de encontro e celebración como este”.
