O Burela FS Pescados Rubén conseguiu esta tarde o billete para a final da XXIII Copa Galicia tras impoñerse ao actual campión, Azkar Lugo FS, cun traballado 1-0; á rápida expulsión de Mimi, no tramo inicial, o banco laranxa viuse minguado na segunda parte pola ausencia de Mata e, máis tarde, Antoñito por molestias.
Laranxas e transportistas viviron uns primeiros minutos convulsos, aínda que con máis perigo por parte das filas locais. O Burela FS viuse obrigado a remar contra unha ausencia máis, a de Mimi, expulsado xa no minuto 3 por dobre amarela, por agarrar nun ataque lugués e nun saque de esquina favorable para os de Juanlu. Malia isto a presión local non sufriu en intensidade; Mendiola tivo máis traballo ca Edu, sempre correcto nas poucas chegadas con perigo dos lugueses. Vista Alegre puido poder cantar o primeiro gol burelista no minuto 7, cun esférico que case coa Cuco en propia porta na tentativa de despexe. Tan só un minuto despois, Burrito e Juanma tiveron as súas oportunidades ante Mendiola. A xoia laranxa, Carlitos, tamén levantou a afección mariñá, no 12, a piques de chegar a un balón cruzado de Mata, só ante o meta rival. Doutra ocasión por partida dobre, dispuxeron os burelistas no 17, de Iago Míguez primeiro e logo de Antoñito con Mata, neutralizada pola defensa visitante. A ocasión máis envelenada para os de Diego Ríos protagonizouna Chano no 18, cun potente disparo baixo que chocou no pau. Antes de marcharse ao descanso, Mata, ao bordo da liña de meta, volveu dispoñer dun balón de ouro para adiantarse, tras xogada entre Burrito e Isi.
*Foto: A Caixa Escura Producións.
Sen movementos no luminoso, a segunda parte con máis velocidade por ambas as partes, con ganas de inaugurar as súas respectivas contas goleadoras. Tras unha gran perforación de Antoñito polo centro da defensa do Azkar, no minuto 22, os laranxas resolveron o perigo transportista coa garantía de Edu no 23 e 25 e máis tarde, no 27, cun despexe moi oportuno de Antoñito. Tampouco puido co naronés o Azkar roldando o ecuador do segundo tempo, con Álex Diz e Zala. Tras a tentativa de Jandri, no 31, un balón longo dos locais a punto estivo de sorprender a Mendiola.
O Burela FS non estaba disposto a deixar escapar o seu billete para a final galega. Avisaron os laranxas nunha acertada contra iniciada por Carlitos; a pase de Burrito, Juanma topouse co pau (minuto 34). Nun novo contraataque, de Burrito, Isi subiu o tan merecido gol mariñán, apoiado por Iago Míguez (minuto 35). Reaccionaron os de Lugo con Álex Diz como porteiro xogador; soportou sen alterarse o xogo de cinco a escuadra de Juanlu ata a bucina final.
Ficha técnica
Burela FS Pescados Rubén: Edu, Mimi, Matamoros, Carlitos, Antoñito, cinco inicial; tamén xogaron Burrito, Isi, Iago Míguez, Juanma
Azkar Lugo FS: Mendiola, Diego Núñez, Cuco, Chano, Iago Rodríguez, cinco inicial; tamén xogaron Álex Diz, Jandri, Aranburu, Antonio Diz, Zala
Goles: 1-0, minuto 35, Isi
Árbitros: Esteban Otero // José Ángel Vilas // Emilio Losada (cronom.), de Santiago
Tarxetas: Por Burela FS dobre amarela a Mimi (minutos 2 e 3), amarela a Edu (minuto 36). Por Azkar amarela para Iago Rodríguez (minuto 14)
Incidencias: Partido correspondente a semifinais da XXIII Copa Xunta de Galicia disputado en Vista Alegre con arredor de 700 afeccionados/as.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
