Temos razóns dabondo para felicitarnos polo positivo que, para o conxunto da flota galega, será o novo acordo sobre o reparto da xarda, asinado entre a Unión Europea e os Estados costeiros do caladoiro Atlántico Nordeste.
Supón un paso de relevancia se temos en conta que desde o ano 2009 non foi posible acadar un acordo similar, ante a negativa dos países norteños que non querían limitar a pesca desta especie, nin os desembarcos.
Pero quizá o aspecto máis importante esta en que esta decisión dará lugar a un notable incremento das posibilidades de pesca –das oportunidades de traballo para os nosos profesionais do mar– ao aumentar nun 77% a cota inicial (deducidas as sancións por sobrepesca) ou nun 136% se o comparamos coa cota da que dispuxo España en 2013.
Non debemos equivocarnos, esta decisión non chega dun día para outro. Senón que é froito de máis de dous meses de duras e complicadas negociacións e dun traballo liderado polas administracións galega e española que teñen amosado –e sería inxusto non recoñecelo- a súa capacidade de trasladar ante á Europa as demandas e necesidades da nosa flota.
A presión de Galicia, de España, tivo o seu efecto e, nese camiño, contou con aliados como Irlanda e Reino Unido un feito que ai anos podería parecer impensable. Non contou coas forzas políticas da oposición que, mentres por unha banda, se sumaban ás protestas de cara á galería, pola outra votaban en contra das iniciativas impulsadas polo Partido Popular no Parlamento de Galicia, para promover sancións contra Islandia ou as Illas Feroe, medidas de presión que tamén contribuíron a que a sinatura deste acordo fora posible.
O movemento amósase andando. Queda claro que había un Goberno e unhas administracións traballando desde o primeiro día en apoio do sector. Queda clara a aposta pola pesca responsable e por unha xestión sustentable dos stocks pesqueiros constitúe un compromiso dos nosos profesionais do mar, os primeiros interesados en garantir o futuro da actividade pesqueira e o bo estado dos caladoiros
Hoxe observamos como mentres outras administracións foron incapaces de controlar a sobrepesca, consecuencia do cal sufrimos sancións, os responsables políticos actuais traballan desde o primeiro día en mellorar as condicións do sector. Os números non enganan: Hoxe á flota do cerco galega disporá dunha cota de 3.400 toneladas fronte as algo máis de 1.600 que pescou en 2013.
Jose Manuel Balseiro Orol
Voceiro do Mar do Grupo Parlamentario Popular e Secretario do Parlamento de Galicia
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
