VIVEIRO, 13 DE MARZO.- A coordinadora comarcal do PSOE da Mariña –Mayra García-, acompañada do deputado autonómico e voceiro de Pesca –José Ramón Val- e da voceira do PSOE en Cervo e Vicepresidenta Segunda da Deputación –Lara Méndez-, así como da Alcaldesa de Viveiro –María Loureiro-, mantivo este xoves unha xuntanza cos secretarios das executivas locais e co resto de voceiros do Partido da comarca na que abordaron distintos temas de interese para os municipios desta zona da provincia, así como os problemas que está a atravesar a fábrica de Sargadelos e o Hospital da Costa. Deste xeito, os socialistas acordaron pedir, nos respectivos Plenos, que os Alcaldes intercedan ante a Xunta de Galicia para evitar o peche da factoría e o desmantelamento da Costa.
“A Xunta apostou por Sargadelos, polo que é de xustiza que emprenda medidas para salvar a este emblema da cultura galega e os postos de traballo. Feijóo non pode eludir a súa responsabilidade. Dende que Goberna o Partido Popular as principais empresas pecharon e, agora, están facendo todo para impedir que os mariñanos teñamos unha Sanidade de calidade. Se o Hospital perde a súa autonomía, aí están as reclamacións dos médicos, o único que teremos é un ambulatorio”, destacaron.
Infraestruturas viarias “en nefasto estado”
Asimesmo, os socialistas amosaron a súa sorpresa polas declaracións dalgúns responsables do Partido Popular como a voceira do PP na Deputación –Elena Candia-, que solicitaron nas últimas semanas o arranxo das estradas provinciais “a sabendas” de que algunhas se viron fortemente afectadas polos últimos temporais e as que dependen do Goberno Central están nun “nefasto estado”. Deste xeito, puxeron como exemplo a estrada N-642, o único viario costeiro e arteria principal de circulación entre os Concellos da Mariña, dende Ribadeo ata Viveiro, e que presenta un notable deterioro. Por este motivo, pedirán que o Partido Popular deixe de lado “os intereses partidistas” e apoie as iniciativas dos socialistas neste eido.
A situación na que se atopa dende hai algún tempo esta infraestrutura, “roza a irresponsabilidade”, xa que varios treitos, principalmente entre os concellos de Barreiros e Burela (variante de Foz, polígono de Fazouro e o tramo dende Nois á paria de Arealonga) están ateigados de fochas e fochancas que, ademais de incomodar na condución, supoñen un grave risco para os condutores que circulan habitualmente por ela.
Ademais, trátase dunha vía que soporta cada día un máis que importante volume de tráfico, xa que, entre outros, é a infraestrutura que dá servizo ó Hospital da Costa, polo que cada día pasan milleiros de cidadáns de toda a comarca, e mesmo tamén ás empresas de gran relevancia como Absa ou Alcoa.
“Nulo compromiso político”
A este “nulo” compromiso dos Gobernos do Partido Popular, destacaron, hai que sumar a falla de investimentos e paralizacións doutras infraestruturas, como é o caso da VAC, que une Ferrol con San Cibrao.
Deste xeito, os socialistas, tal e como anunciaron hai unhas semanas, solicitarán na Cámara galega, que a Xunta concrete os prazos nos que ten previsto rematar a Variante, pois a Consellería paralizou as obras ós poucos días de celebrarse as pasadas eleccións autonómicas, incumprindo os compromisos asumidos neste eido.
Proxecto do secretario provincial
A xuntanza, na que participaron os representantes do PSOE nos municipios indicados, enmárcase dentro do proxecto político do secretario provincial –Juan Carlos González Santín- de achegar o Partido a todos os socialistas, sendo o traballo en rede o catalizador desta área.
Dende González Santín substituíu ao seu antecesor no cargo, o líder dos socialistas galegos –José Ramón Gómez Besteiro- no mes de novembro, o PSOE celebrou máis de 30 reunións deste tipo con todas as executivas existentes na provincia, o que supón dúas reunións por semana. Nestes catro meses, a nova dirección do Partido percorreu a provincia, de norte a sur e de leste a oeste. Somentes, neste tempo, realizou máis de 5.000 quilómetros.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
