O vindeiro sábado 15 de marzo de 2014, a partires das 19:00 horas, no salón de actos da Casa da Cultura de Alfoz, celebrarase a primeira xornada ao 2º Festival de Cine de Alfoz, organizado pola Seminario de Estudos do Valadouro, coa colaboración da Delegación de Cultura do Concello de Alfoz e a Área de Cultura da Deputación de Lugo.
Nesta primeira xornada procederase á inauguración do 2º Festival de Cine de Alfoz por parte de Xabier Pardiñas, Presidente do Seminario de Estudos do Valadouro, e de concellos de Pepe Peinó, Concelleiro de Cultura no Concello de Alfoz.
A continuación darase paso á proxección da curta documental “Mercado Medieval de Alfoz 2013”, dirixido por Miguel García, director e produtor mindoniense colaborador nas dúas edicións do Festival de Cine de Alfoz. Con guión de Miguel García, Garacopter tomou as imaxes aéreas, mentres que Álvaro Liste se encargou da montaxe deste traballo audiovisual que recolle a décimo quinta edición do Mercado Medieval de Alfoz no que “de novo os habitantes de Alfoz, traballando arreo e ombro con ombro, fan posible que volta ó pasado, á Idade Media e á época gloriosa de Pardo de Cela, sexan unha realidade”.
“Facernos ver cos ollos abertos aquilo que imaxinamos con eles pechados…” resume a idea deste documental que potencia un soño dos veciños de Alfoz que se materializa a terceira semana de xullo cando o Castro envolve coa súa maxia un exército de privilixiados.
En segundo lugar proxectarase a curta de ficción “Mr. Smith and Mrs. Wesson”, dirixida por Jorge Saavedra, director de diversos traballos como a serie de ficción “Matalobos” da TVG; e protagonizada por Octavi Pujades, Camila Bossa, Luís Iglesia, Xabier Deive, María Mera, Daniel Currás, Álex Fernández e Iván Marcos.
Con guión de José Rubio e Jorge Saavedra, a produción executiva correu a cargo de Miguel García, Jorge Saavedra, Víctor Grande e Gutier Rolán. “Mr. Smith and Mrs. Wesson” recolle a historia de Smith, que pasou por máis cousas das que a súa mocidade delata. Por iso, cando entra no edificio abandonado que cambiou a súa vida, non só leva unha pistola na man e unha vinganza na mirada… Smith carga tamén cunha tonelada de recordos: os dos momentos que o conduciron alí. Agora Smith debe abrirse paso entre o exército de asasinos, comandados por Kalashnikov, para recuperar o máis importante da súa vida. As balas asubiarán e o sangue volverá correr antes de que acabe o día, pero nada nin ninguén porán freo á ira dun home disposto a calquera cousa pola súa familia.
Para finalizar o acto entregaráselle obsequio conmemorativo pola súa participación neste 2º Festival de Cine de Alfoz a Miguel García, director do primeiro filme e produtor executivo do segundo.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
