No seu primeiro Consello Aberto Nacional celebrado este sábado, Espazo aprobou polo 96% de votos que Modesta Regueira e Juan Martínez sexan os seus representantes na candidatura para as eleccións europeas que presentasen xunto a Esquerda Unida e Anova, dando continuidade á coalición Alternativa Galega de Esquerda (AGE). Para esta elección Espazo dispuxo que, ademais dos 34 membros do Consello Aberto Nacional, puidesen participar directamente todos os seus membros e simpatizantes inscritos tanto para trasladar propostas de persoas como para votalas, cumprindo co mandato da súa II Asemblea Nacional.
Modesta Regueira é coordinadora nacional da formación ecosocialista,ten estudos de historia, traballa como media e posúe unha ampla traxectoria de militancia política e social en Vigo, foi membros do Comité provincial de Pontevedra do PSdG. Pola súa banda, Juan Martínez é veciño de Oleiros e tamén é membro da dirección nacional de Espazo, posúe estudos universitarios en Relacións Laborais pola UCM e pola USC e en xestión audiovisual pola UdC, traballou no sector da comunicación e é militante das CCOO.
Espazo Ecosocialista entende que a cabeza de lista de AGE sexa unha persoa de consenso, ligada a movementos sociais e favorecedora da unidade da esquerda, nese senso os membros e simpatizantes de Espazo por unanimidade entenden que a proposta coñecida de Lidia Senra para encabezar a candidatura de AGE para as eleccións europeas é idonea, destacando a súa traxectoria e capacidade para ser eurodeputada en representación da esquerda galega, e para defender os dereitos da cidadanía galega contra as políticas de austeridade e recorte impostas pola troika.
“Temos a responsabilidade de dar resposta á demanda dunha acción política transformadora e aberta que nos fixeron os máis de 200.000 votantes de AGE nas eleccións galegas, e a cidadanía que está mobilizada por toda Galicia en defensa dunha saída social e xusta da crise. Son razóns suficientes para sexan protagonistas do proceso que configure tanto as propostas programáticas como as persoas que as represente na candidatura para ser votadas” sinalan desde Espazo, polo que van emprazar a Esquerda Unida e a Anova a pór en marcha canto antes un proceso que permita a máxima implicación posible. Por iso “AGE ten que avanzar na súa condición de suxeito político de transformación artellándose como a ferramenta política da esquerda nacional galega”.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
