Desde o Grupo de AGE en Ribadeo consideramos que é preciso manter toda a presión que a cidadanía e as institucións poidamos facer sobre un goberno que está a artellar unha restrición sen precedentes dos nosos dereitos.
Entre eles, a modificación plantexada da Lei de Interrupción do Embarazo resulta especialmente grave ao poñer en risco a saúde das mulleres que non queiran levar adiante, pola razón que sexa, un embarazo non desexado.
A actual normativa foi a única capaz de reducir o número de abortos realizados en España. Pola contra, a estratexia conxunta de eliminar a educación sexual dos colexios, dificultar o acceso aos anticonceptivos e prohibir as interrupcións do embarazo, con seguridade levará a un maior número de abortos e á reaparición de mortes de mulleres por abortos clandestinos realizados en malas condicións.
En consecuencia, queremos facer público o noso apoio á decisión do goberno municipal de manter despregada na fachada da Casa do Concello a pancarta a prol do dereito a decidir das mulleres, e do aborto libre e gratuíto.
Ao mesmo tempo queremos rexeitar a actitude das concelleiras do PP que coa desculpa de “regular o uso do balcón da Casa do Concello como espacio público para posibles usos propagandísticos o publicitarios abierto a la ciudadanía en general” están a pedir a retirada da antedita pancarta.
Lembramos que segundo as enquisas publicadas o 80% da poboación está en contra da reforma plantexada polo Partido Popular, polo que entedemos que a pancarta, que non reflicte unha posición ideolóxica senón a defensa duns dereitos conseguidos con moito esforzo pola loita das mulleres ao longo de décadas, conta cun respaldo maioritario entre a cidadanía ribadense.
Finalmente, animamos á veciñanza a amosar públicamente o seu rexeitamento á reforma de Gallardón e Rajoy poñendo pancartas tamén nos balcóns das súas casas contra a devandita reforma e a prol do dereito das mulleres a decidir e, no seu caso, a interrumpir o seu embarazo de xeito seguro, libre e gratuito, na sanidade pública.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
