Foz, 21 de marzo de 2014. O alcalde de Foz, Javier Jorge Castiñeira, agradece o traballo realizado polos efectivos que participaron na extinción do incendio forestal iniciado este xoves en San Acisclo. Estímase que afectou a case 50 hectáreas de monte e que as perdas superan os 200.000 euros, pero non houbo que lamentar danos persoais e evitouse que chegara a vivendas.
O rexedor municipal focense explicou na mañá deste venres que “este desgraciado incendio que tivemos na parroquia de San Acisclo e que pasou cara ao concello de Valadouro, concretamente en Moucide, foi de bastante envergadura. A valoración inicial dunhas 20 hectáreas creo que se quedou corta e practicamente estamos no dobre, con case 50 hectáreas de monte afectado. Estamos a falar duns danos importantes pero en definitiva só son materiais no monte porque non chegou a afectar a ningunha vivenda, que era o principal obxectivo das brigadas no momento máis complicado, que foi arredor das 8 da tarde, cando o lume estaba máis descontrolado”.
Javier Castiñeira destacou que “os medios de extinción estiveron moi acertados. Houbo moita colaboración tanto da Xunta de Galicia como do Estado e tamén os medios propios de Protección Civil máis o grupo de emerxencias supramunicipal de Cervo. O medo que tíñamos era que se metera a noite con chamas pero antes das doce practicamente os frontes estaban xa extinguidos. Axudou moito que á noitiña refrescara e caera esta choiva, que veu moi ben para arrefriar a zona. Houbo momentos nos que había máis de dez brigadas na extinción do incendio, de seis a oito motobombas traballando e varios helicópteros da brigada de Ourense. A todos eles quero agradecerlles o seu labor.”
O alcalde de Foz engadiu que “agora queda avaliar os danos económicos, que probablemente pasen dos 200.000 euros, facendo unha valoración grosso modo. O máis importante é que non hai que lamentar ningún dano persoal nin en casas”.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
