Presto Xove organiza, en colaboración co Concello de Xove e a Área de Cultura da Deputación Provincial, o XXIV Curso de Formación Orquestral Semana Santa 2014 entre o luns 14 e o venres 18 de abril.
As clases e concertos desenvolveranse no Centro Cívico da localidade coa participación dos profesores convidados: Joan Ibáñez (frauta), David Villa (oboe), Antonio Suárez (clarinete), Álex Salgueiro (fagot), Benxamín Iglesias (trompa), Gregorio Nedobora (violín), Rebeca Maseda (violín) e Anxo Leitao (contrabaixo).
Ademais participan os profesores Manuel Fernández Gayol (violín), Olalla Canoura López (violín), Saúl Canosa Ínsua (clarinete), Nazaret Canosa Ínsua (violín), Iván Siso (violonchelo) e Xulia Nogueira (violonchelo) baixo a dirección de Xan Carballal.
O prezo do curso é de 30 euros para os interesados na formación cameral, mentres que para ambas (cámara e orquestra) será de 50 euros. Os interesados poden recibir máis información nos teléfonos 677 83 88 12 e 666 75 75 53 ou a través do enderezo electrónico prestoxove@gmail.com.
O concerto de Cámara celebrarase o xoves 17 ás 19.00 horas, mentres que o venres 18 se celebrará o concerto final á mesma hora baixo o seguinte programa: “O rapto do serrallo”. Abertura, W.A. Mozart; “A vitoria de Wellington” op.91 (versión grupo de ventos), L.V. Beethoven; e Sinfonía nº 104. “London”, F.J. Haydn.
Co gallo do día das Letras Galegas, levarase a cabo un Obradoiro de oralidade das mulleres. Empregaranse as ferramentas do ciclo do ano e ciclo vital e farase percorrido polos cantares de tradición oral e os contextos nos que se producen. Branca Mª Villares Naveira dirixe este obradoiro; ela é docente de música tradicional galega na especialidade de canto e as percusións de man, con mais de 25 anos de bagaxe na investigación, tamén é divulgadora da tradición oral das mulleres galegas. Terá lugar este xoves, día 15 de maio no Salón de Actos do centro ás 16:30 horas. Máis información e matrícula: https://
Na presentación do cartaz participou o alcalde, Demetrio Salgueiro, acompañado das concelleiras Dolores, Cristina e Tamara e dos membros da Comisión de festas Benigno, Carlos, Borja e Dalmacio. Todxs convidan a veciños/as e visitantes a desfrutar deste día de alegría e facelo vestidxs de branco.
Este xoves 15 de maio, ás 20:30h na Libraría Bahía de Foz celebrarán as letras galegas coa presentación do libro 'Bóveda, memoria do lugar' a cargo do seu autor, Óscar Górriz. Trátase dun libro de recollida etnográfica e musical con textos e fotografías. Haberá tamén música de pandeireta arrufando a presentación. Ademais o venres haberá un 10% de desconto en todos os libros escritos en galego, para celebrar as nosas letras e promover a compra de libros na nosa lingua.
A mañá do domingo 18 Guía tu día organiza a ruta da Seimeira no concello da Pontenova. "Unha interesante andaina de 9km circular e de dificultade media ubicada na parroquia de Bogo, onde descubriranse as pintorescas aldeas de Vilarxurbín e Sanxés, varios miradores e a seimeira. Ademais das Fragas de Teixido e Sanxés que son espectaculares" comenta a guía. A xornada rematará cunha comida no restaurante O Lar de Balbina. O prezo da ruta guiada é de 10€ e 20€ a comida. O grupo está limitado a 20 persoas. Máis información e reservas no 654 99 68 57 ou guiatudia@gmail.com.
Na presentación, este luns, participou Leandro Quelle e Rubén Rubiños como membros da Asociación Equina A Medela, organizadora da feira, acompañados polo alcalde, Demetrio Salgueiro, e a concelleira de agricultura, Dolores Meitín. Dende o Concello de Xove convidan a toda a veciñanza e tamén a todos aos afeccionados/as ao mundo do gando a que se acheguen disfrutar dunha xornada familiar dende as 9.30, con importantes premios e sorteo dun poldro.
Unhas xornadas participativas nas que se abordarán temas moi interesantes para o consumidor baixo o epígrafe "Consumo en Ruta" en colaboración coa Xunta de Galicia e da asociación Xubilados Terramar. O primeiro será este mesmo martes, 13 de maio, baixo o título: Coñece os teus dereitos como consumidor. Será ás 18:30 horas. No local social da asoc de Xubilados Terramar, na Casa do Mar.
Este domingo compartiu unha emotiva comida coa súa familia e recibiu tamén a visita do alcalde, Demetrio Salgueiro, e da concelleira de Servizos Sociais, Tamara Soto, que lle transladaron os seus parabéns. Un século de vida, historias e sabedoría compartida. Un día inesquecible rodeado de agarimo.
