CERVO .- Arredor de 1.500 veciños, que residen na capital municipal e na súa área de influencia- veranse beneficiados polo acordo acadado no día de hoxe polo Alcalde de Cervo, Alfonso Villares e o conselleiro de Medio Ambiente e Infraestruturas, Agustín Hernández, en virtude do cal as obras da nova rede de saneamento en Cervo darán inicio o ano próximo. Os orzamentos autonómicos para 2010 contemplarán os investimentos necesarios para levar adiante este proxecto, unha das actuacións subliñadas como de execución prioritaria por parte do Concello de Cervo.
O titular do departamento autonómico de Medio Ambiente tamén adquiriu perante o Alcalde de Cervo o compromiso de levar adiante o proxecto da nova rede de saneamento en A Senra. Alfonso Villares explicou que pese as promesas efectuadas polos anteriores responsables da Xunta que comprometéronse a desenvolver esta nova rede, “o certo é que non había nada, que o compromiso por escrito adquirido polos anteriores responsables do Goberno galego bipartito, non tiña aparellado ningún orzamento e ningún prazo de execución. Afortudamente hoxe a situación mudou, e a nova Xunta puxo data, 2010, para ambas actuacións”.
Por outra banda a Consellería de Medio Ambiente, Territorio e Infraestruturas tamén colaborará co Concello de Cervo na corrección dunha serie de deficiencias que se estaban a dar nalgúns puntos da rede de abastecemento de auga, o que provocaba periódicas avarías. A Xunta neste mesmo ano procederá á substitución das tubarias de fibrocemento por outras dun material máis resistente. As devanditas actuacións teñen previsto levarse a cabo en varios núcleos do termo municipal como Rueta ou Lieiro.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
