Burela, 31 de marzo de 2014. Na mañá de hoxe, o conselleiro de Medio Ambiente, Transportes e Infraestruturas da Xunta de Galicia, Agustín Hernández, xunto con José María González Barcia, alcalde de Burela, asinou no salón de plenos da Casa do Concello a orde de aprobación definitiva do Plano Xeral de Ordenación Municipal (PXOM), primeiro documento de planeamento urbanístico propio co que conta Burela.
Acompañaron ao conselleiro e ao alcalde, a Delegada Territorial da Xunta en Lugo, Raquel Arias; a Secretaria Xeral de Urbanismo, Encarnación Rivas, así como os membros do equipo de goberno. Ao acto asistiron unha trintena de veciños e veciñas.
Na súa intervención, o alcalde burelés, José María González Barcia, afirmou que “a aprobación definitiva do PXOM é sen dúbida o gran paso que Burela tiña que dar cara ao futuro, porque ata o de agora moitas das materias pendentes que temos no Concello non se podían solucionar dado que non había un instrumento de planeamento urbanístico axeitado e que, ao mesmo tempo, dera seguridade xurídica”.
O alcalde manifestou que “o PXOM atende a intereses xerais, como non podía ser de outro xeito; pero ao mesmo tempo tentamos atender tamén, total ou parcialmente, aos intereses individuais dos veciños de Burela, como o demostra o dato de que aceptáramos o oitenta por cento das alegacións presentadas. Facer un PXOM que atenda aos intereses xerais e que contente ao cento por cento da poboación é, na práctica, imposible”.
“Agora sí, agora sí vamos contar co instrumento necesario, que recolle solucións para unha morea de asuntos pendentes: ampliación do Hospital; solo dotacional para servizos educativos e sociais; solo industrial; apertura de novas bolsas de solo urbano non consolidado e urbanizable; corrección da afectación da actual variante, etc”, asegurou González Barcia.
O alcalde burelés amosou a súa satisfacción por ter feito e rematado este traballo: “facer e rematar este traballo creo que vale por todo o mandato municipal, dado que a partires de agora, tanto esta Corporación coma as futuras, e tamén a administración autonómica, poden abordar asuntos que ata o de agora non tiñan encaixe dentro das normas subsidiarias de hai máis de vintecinco anos”.
Barcia agradeceu o apoio prestado desde a Secretaría Xeral de Urbanismo, “desde a propia secretaria xeral ata o persoal subalterno”. E, máis concretamente, agradeceu o apoio prestado polo propio conselleiro: “cada vez que nos víamos, me preguntaba polo PXOM e me metía presa, ao que eu correspondía pedíndolle tamén presa. O certo é que aprobamos inicialmente o PXOM o 1 de marzo de 2012, e dous anos despois temos o documento aprobado definitivamente, e iso se non é un récord acércaselle moito”. Barcia engadiu que “hai que agradecerlle á Xunta de Galicia o seu apoio, dado que o propio presidente, Alberto Núñez Feijo, tenme preguntado máis dunha vez polo Plan Xeral”.
O alcalde de Burela engadiu que “para que todo este traballo fose posible, houbo un grupo de persoas que se implicaron a fondo: o equipo redactor, por suposto; os técnicos e persoal municipal que lle dedicaron moito tempo ó PXOM, mesmo fóra do seu horario laboral; os concelleiros do goberno municipal, especialmente o concelleiro de Urbanismo, Manuel Fernández Valle; tamén a oposición, dentro do que cabe, tentou facer achegas. A todos eles, o máis sincero agradecemento, en nome propio e de toda a cidadanía de Burela”.
Antes da sinatura da orde de aprobación definitiva do PXOM, Agustín Hernández asinou no Libro de Honra do Concello de Burela, e departiu con González Barcia no despacho da Alcaldía.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
