O grupo de educación nos tempos libres de Burela, Chao de Castro-Altair, organiza un campamento os dias 11, 12, 13, 14 e 15 de abril, en Vilela (Ribadeo).
As persoas responsables deste actividade son os cinco monitores e monitoras cos que conta a asociación en Burela. Educadoras e educadores cunha ampla formación e unha dilatada experiencia na organización de campamentos e actividades de ocio para xoves, nenas e nenos (o grupo burelao promove catro campamentos ao ano desde que comezou a súa andadura alá polo ano 2011).
Entre as actividades a realizar baixo o coidado e protección das e dos monitores destacan os xogos cooperativos, grupais, de estratexia, de descuberta, de confianza; xogos de pistas ou de rol, todos eles ambientados nun entorno privilexiado, como é o de Vilela, e en plena natureza. Escoita de animais, rastrexo, recoñecemento de pegadas, observación astronómica, música, teatro, veladas nocturnas, etc. As dormidas están programadas no albergue de Vilela.
O custe da actividade é de 50 € para socios e 75 € para non socios. Ademais establécese un 2×1 para irmáns e irmás. Os interesados poden dirixirse ó local da asociación na rúa do Río número 10 calquera sábado á tarde ou contactar no teléfono 685 32 51 53 ou a través do correo chaodecastro.altair.burela@gmail.com.
E o domingo 6 de abril ás 19.00 horas celebrarase unha reunión con todas as familias interesadas no local da asociación.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
