O subdelegado do Goberno, Ramón Carballo, acompañado pola xefa provincial de Tráfico, Paula Yubero, presentou este martes en Lugo o primeiro dos encontros que manterán coas autoridades locais dos concellos da provincia co obxectivo de aunar esforzos en pro da seguridade vial no ámbito urbano.
Tal e como explicou Ramón Carballo, o encontro pretende implementar a coordinación entre administracións, ao tempo que se quere incidir na seguridade vial no ámbito urbano, dado que os accidentes con vítimas na zona urbana seguen a representar unha importante porcentaxe.
A esta primeira xuntanza, que se celebrou na aula de formación da dirección provincial do INSS, estaban convocados representantes dos 17 concellos da provincia que teñen Policía Local: Burela, Cervo, Chantada, A Fonsagrada, Foz, Friol, Guitiriz, Mondoñedo, Monforte, Palas de Rei, Quiroga, Ribadeo, Rábade, Sarria, Vilalba, Lugo e Viveiro.
Xornadas formativas
A Dirección Xeral de Tráfico promove estas xornadas formativas co ánimo de impulsar a colaboración entre administracións e de potenciar accións que melloren a mobilidade e seguridade vial no ámbito urbano.
A DXT, que impulsou estes encontros a través da Subdelegación de Lugo, quere incidir no feito de que os accidentes con vítimas en zona urbana seguen supoñendo unha elevada porcentaxe da sinistralidade vial. De feito, segundo os datos publicados no documento das Principales Cifras de la Siniestralidad Vial 2012, os accidentes con vítimas en zona urbana representan o 57% do total e os falecidos neses sinistros supoñen o 24% do total de vítimas mortais en accidentes de tráfico. Isto supón un aumento con respecto ao ano 2011, mentras que os falecidos en vías interurbanas se reduciron nun 13% no mesmo período.
En Galicia, as vías urbanas rexistraron o 20,33% do total de accidentes en 2012 e o 17,19% das vítimas mortais. Na provincia de Lugo esas porcentaxes sitúanse no 28,57% e 15,15% respectivamente.
O Estado considera que o traballo nos núcleos urbanos pode redundar en importantes beneficios a curto e medio prazo, pero para elo é imprescindible a colaboración das autoridades locais competentes na material, de aí o interese deste tipo de xornadas formativas cos concellos.
Medidas para reducir a sinistralidade
Ademais dos datos de accidentalidade, a xefa provincial de Tráfico deu a coñecer aos representantes municipais a posibilidade de intercambiar datos coa DXT para poñer en marcha medidas encamiñadas a reducir a sinistralidade nas vías urbanas.
Entre esas accións que os concellos poden levar a cabo salientan a mellora na recollida de información en materia de accidentes, a avaliación dos sinistros no territorio, a posibilidade de intervir con modificacións estructurais de baixo custe para segregar os diferentes tipos de tráfico, promovendo a implantación dos plans de seguridade vial ou, por exemplo, de camiños escolares seguros. Mencionouse tamén o uso de medidas telemáticas de control de tráfico, a adhesión ás campañas de seguridade vial que programa a DXT ou a inclusión de aspectos vencellados á mobilidade seguras nas actividades formativas que programe o municipio.
No encontro deste martes abordouse tamén a posibilidade que teñen os concellos de asinar convenios de colaboración coa DXT para seguir a traballar de xeito conxunto non só en mellorar a seguridade vial senón en dar un servizo mellor e máis eficaz aos cidadáns no que a aspectos administrativas se refire.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
