A Casa da Cultura acolleu este martes unha charla sobre reciclaxe dentro das actividades do Concello de Cervo no Mes do Medio Ambiente. Técnicos de Sogama explicaron detalladamente como facer de forma correcta a separación de residuos así como os beneficios desta práctica. Da mesma maneira a edil de Medio Ambiente, Begoña Alonso, deu a coñecer as diferentes medidas de coidado do contorno natural que pon en marcha o Concello. En concreto, lembrou que segue activa a campaña de compostaxe doméstica, deu información sobre o Punto Limpo que leva varios meses funcionando e promoveu a plantación de árbores autóctonas. Neste sentido, todos os asistentes que o desexaron recibiron árbores como castiñeiros, carballos, freixos, bidueiros ou acivros, entre outras especies, co obxectivo de fomentar tamén a recuperación do bosque atlántico en terreos privados.
Charla sobre reciclaxe no Mes do Medio Ambiente
Relacionado
-
O Concello de Cervo celebra este 23 de abril o Día do Libro, unha data dedicada á maxia das historias, da imaxinación e das palabras que nos permiten viaxar sen movernos do sitio
-
A UNED de Lugo participou na XII edición do Taller de Boas Prácticas de Centros Asociados, un encontro que reuniu a máis de cen profesionais da rede para compartir iniciativas innovadoras
-
El Franco acollerá desde o 13 de maio unha nova edición do Curso de Eonaviego de Falamos, unha formación gratuíta para persoas adultas destinada a promover o seu uso e coñecemento
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
Fixoo no marco do Campionato Galego de Coctelería celebrado no Hostal dos Reis Católicos.
O tráfico estará regulado por semáforos e está previsto que este venres rematen as obras.
