Pilar Armada.- Cando un evento é capaz de sobrevivir no tempo e de crecer ano tras ano, é porque hai moitas persoas implicadas nel, moito traballo continuado, moito esforzo e, sobre todo, moita ilusión. E o Encontro de Palilleiras segue esta fórmula sen saltar nin un só requisito. O seu éxito, polo tanto, non ten ningún segredo, pero si nomes e apelidos: Os de todas as persoas que poñen algo de si mesmas para que o evento saia adiante.
Mariluz Méndez e Modesta Lombardero forman un tándem inseparable co Encontro de Palilleiras. Profesoras de encaixe, palilleiras activas e inquietas, móvense na organización deste evento como bolillos nas mans máis expertas. O seu bo facer déixase notar en cada detalle do encontro, e os datos de participación así o avalan.
Este ano batemos récords de asistencia. Máis de 800 palilleiras ofrecendo arte en estado puro. Precisamente a elas, ás palilleiras, mulleres pero tamén homes, queremos transmitirlles a nosa gratitude. Xunto coas profesoras Mariluz e Modesta, as palilleiras son a base deste encontro. Elas fan que este oficio artesanal cobre vida e converten un traballo individual nun espectáculo colectivo.
Polo tanto, dende o Concello, a nosa gratitude a todas e cada unha das palilleiras por compartir con nós a súa destreza, desexando que pasasen unha xornada agradable no XI Encontro de Palilleiras e, por suposto, convidalas a volver o ano que vén. Porque o noso obxectivo é que as verdadeiras protagonistas do evento sintan o noso calor, que saiban que valoramos a artesanía e que apoiamos a tradición de palillar para que siga sendo un activo na actualidade e no futuro.
O que está claro é que San Ciprián converteuse na capital lucense do encaixe a través do encontro que máis palilleiras reúne de toda a provincia e tamén o máis antigo. Polo tanto, un dobre obxectivo cumprido: o encontro de palilleiras consegue facer visible o traballo artesanal do encaixe pero tamén pon o foco de atención en San Ciprián e en todo o municipio. Os atractivos turísticos deste concello vense complementados por esta festa do encaixe, da creatividade e da artesanía.
Pilar Armada Carrete, edil de Igualdade do Concello de Cervo
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
