Lourenzá, 9 de abril de 2014. A alcaldesa de Lourenzá, Emma Álvarez Chao, agradece publicamente o traballo realizado pola Fundación TIC na elaboración dun vídeo de promoción da Festa da Faba, que foi presentado hoxe, e solicita á Deputación Provincial axuda económica para vindeira edición do evento, como reciben outras festas de interese turístico galego.
A rexedora municipal explicou que “no día de hoxe a Fundación TIC ven de presentar un traballo de promoción da Festa da Faba que gravaron precisamente na 23ª edición da festa, celebrada no pasado mes de outubro. Parécenos un traballo importante, este que fixeron dende a Fundación TIC, e polo tanto dende o Concello de Lourenzá non podemos máis que estar agradecidos por este labor de promoción da festa, posto que detrás da Festa da Faba está a faba de Lourenzá, un produto que dende o Concello tratamos de promover. Non soamente afecta a produtores de Lourenzá senón tamén de toda a comarca”.
Emma Álvarez engadiu que “tamén esperamos que a Deputación de Lugo, que non deixou unha subvención nominativa para a Festa da Faba do ano 2014, que será a 24ª edición, teña a ben reconsideralo. Como nós descoñecemos cales son os criterios que teñen dende a Deputación de Lugo para conceder estas subvencións a distintas festas declaradas de interese turístico galego, non pedimos máis que ningunha outra. Só solicitamos que teñan en conta que é unha festa de interese turístico galego que se merece 3.000 euros, igual que calquera outra das que eles subvencionan de xeito nominativo. E polo tanto aproveito a ocasión de que hoxe Álvaro Santos, en representación da Deputación de Lugo, acompaña á Fundación TIC na presentación deste vídeo de divulgación para pedirlle, unha vez máis, que nos teña en conta, porque coa Festa da Faba nós queremos promover a faba de Lourenzá, que se produce en toda A Mariña. Polo tanto queremos que reconsideren a súa postura e, xa que non figura nos presupostos para este ano 2014 unha subvención nominativa para a Festa da Faba, que polo menos teñan a ben darnos esa axuda económica que todo os anos lle pedimos. O ano pasado fixéronnos este traballo de divulgación, que é importante, pero dende o grupo de goberno do Concello de Lourenzá pedímoslles medios económicos para desenvolver a festa, xa que temos problemas económicos, como calquera outro concello, e somos un municipio pequeno que non ten os recursos suficientes para darlle a esta festa o valor que se merece”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
