O Burela FS Pescados Rubén chega esta fin de semana á recta final da fase final da Copa Nacional Xuvenil liderando o Grupo Norte, con 6 puntos. Este domingo pelexará pola primeira praza para as semifinais disputando a cuarta xornada –aprazada- fronte ao segundo de grupo e actual campión de liga, Azkar Lugo (12.00 horas, municipal de Lugo).
Entre trasnportistas e vilalbeses, empatados con 3 puntos, decidirase a segunda praza de grupo na última xornada. No Grupo Sur, Santiago Futsal (12 puntos) xa ten asegurada a primeira praza; na última xornada, pugnarán polo segundo billete Noia e Coruxo, empatados a 6 puntos, en duelo directo.
A axenda laranxa desta fin de semana tamén reunirá os alevíns coa ED Lourenzá en amigable, o sábado, ás 18.15 horas en Vista Alegre. Pola mañá, os prebenxamíns gozarán dun torneo de clausura da Liga Prebenxamín da Mariña de Imdecum, entre Monte Castelo e Vista Alegre. A entrega de medallas terá lugar ás 13.30 horas na bomboneira.
En Autonómica Cadete e Infantil, a base burelista disputará os partidos aprazados polo temporal na xornada 19, na pista da ED Vigo (17.00 e 18.00 horas).
Copa Nacional Xuvenil
Azkar Lugo FS-Burela FS
Domingo 13 de abril, ás 12.00 horas, no pavillón municipal de Lugo
Liga Autonómica Cadete
ED Vigo 2015-Burela FS (xornada 19)
Luns 14 de abril, ás 17.00 horas, no pavillón do Berbés de Vigo
Liga Autonómica Infantil
ED Vigo 2015-ED Burela FS (xornada 19)
Luns 14 de abril, ás 18.00 horas, no pavillón do Berbés de Vigo
Amigable
ED Burela FS-ED Lourenzá
Sábado 12 de abril, ás 18.15 horas, no pavillón Vista Alegre de Burela
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
