Burela, 10 de abril de 2014. O salón de plenos do Concello acolleu este mediodía a presentación do VIII Encontro de Palilleiras, que organizan a Fundación Expomar e a asociación cultural e artesanal de mulleres palilleiras As Encaixeiras de Burela.
O evento, que patrocinan o Concello, ABSA, a confraría de pescadores de Burela e a Deputación de Lugo, terá lugar o 10 de maio no porto burelés de 10 a 13 horas pola mañá e de 16 a 19 horas pola tarde.
O programa dará comezo ás 10 da mañá coa recepción ás palilleiras participantes e de 10:30 a 13 horas haberá unha demostración de traballos. Ás 11.30 da mañá terá lugar a inauguración do encontro e ás 12 do mediodía haberá unha degustación de empanada de pescada. Ademais duna viaxe ao Monte Castelo e á igrexa de Vila do Medio, co obxectivo de dar a coñecer o patrimonio natural e histórico de Burela ás asistentes.
Xa pola tarde a partires das 16 horas seguirá a demostración de traballos e nova viaxe a eses dous lugares. Ás 17:30 horas terá lugar un sorteo de agasallos e ás 19 horas rematará o VIII Encontro de Palilleiras de Burela. Ao longo de toda a xornada tamén haberá visitas ao barco museo Reina del Carmen e ao Museo Histórico.
O prazo de inscrición para participar neste evento estará aberto ata o vindeiro 29 de abril. As interesadas en acudir a esta cita poden anotarse no seguinte número de teléfono: 653 29 59 12.
O alcalde, José Mª González Barcia, sinalou que “este encontro é un bo motivo para a promoción do noso concello, máxime tendo en conta que este xa é o terceiro ano no que esta actividade se fai na nave de redes, porque a Fundación Expomar colabora directamente na organización deste evento. O encontro ten unha enorme repercusión para Burela porque a presenza de xente, tanto de palilleiras coma de acompañantes, é moi importante e sen dúbida ningunha axuda a dinamizar a economía local”.
O rexedor dixo que “con esa cita Burela inicia un calendario de actividades que a levarán durante todo o verán a ter eventos case todas as fins de semana. Durante esa fin de semana, a do 10 de maio, tamén se celebrarán as xornadas técnicas e os encontros empresariais, que organiza todos os anos a Fundación Expomar, haxa ou non feira de mostras. Esa segunda fin de semana de maio é importante e un bo motivo para que persoas vinculadas ao mundo do mar se acheguen a Burela, pero tamén aquelas outras ás que lles guste disfrutar duns días tranquilos nun sitio tan receptivo e tan acolledor como Burela”.
González Barcia engadiu que “nós continuaremos apoiando á asociación de mulleres palilleiras que temos no noso concello. É un colectivo que está a traballar ben, a xunta directiva se esforza para facer as cousas de forma adecuada. Por este motivo continuará a ter o apio do Concello ao igual que nos últimos anos, ao mellor non todo o que nós quixéramos dar, tendo en conta a situación económica que estamos a vivir, pero si desde logo entre o Concello e a Fundación Expomar o impulso que se lle deu nos últimos anos a este encontro é realmente importante”. O alcalde tivo palabras de eloxio para a xunta directiva de As Encaixeiras: “a nosa noraboa á xunta directiva e o noso recoñecemento a ese traballo que están a facer, porque contribúe a realizar unha oferta alternativa de ocio para as mulleres durante todo o ano e a levar a cabo un evento de divulgación do noso concello o vindeiro 10 de maio”.
Ao acto de presentación, celebrado este mediodía no Concello, acudiron o alcalde, José Mª González Barcia, a concelleira de Servizos Sociais, Diana Durán, a concelleira de Mar e Medio Ambiente, Patricia López Eijo, o patrón maior da confraría de pescadores de Burela, Basilio Otero, e varias representantes de As Encaixeiras, ademais da xerente da Fundación Expomar, Catalina Sánchez.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
